Работніцу банка з Гомеля, якая падмяняла беларускія грошы на сувенірныя еўра, адправілі ў калонію
У Гомелі вынеслі прысуд 54‑гадовай былой супрацоўніцы банка, якую абвінавачвалі ў прысваенні грошай.
За шэсць гадоў жанчына скрала больш за 90 тысяч рублёў, а нястачу спрабавала схаваць з дапамогай сувенірных банкнот.
Гомельчанка працавала спецыялісткай па аказанні рознічных банкаўскіх паслуг. Са студзеня 2020 года да красавіка 2026 года яна забірала невялікія сумы з пачкаў з беларускімі рублямі, якія сама ўпакоўвала і апячатвала.
Замест сапраўдных грошай жанчына клала туды сувенірныя купюры наміналам 500 еўра.
Агульная сума скрадзенага склала 90,4 тысячы рублёў. Да суда жанчына кампенсавала 12 250 рублёў.
Суд прызнаў яе вінаватай у прысваенні даручанай маёмасці ў асабліва вялікай суме і прызначыў чатыры гады калоніі агульнага рэжыму.
Акрамя таго, гамельчанцы давядзецца выплаціць штраф 100 базавых адзінак — 4500 рублёў. Яшчэ пяць гадоў ёй забаронена займаць пасады, звязаныя з улікам, захоўваннем і распараджэннем таварна-матэрыяльнымі каштоўнасцямі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць6
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары