На вуліцы Сямашкі ў Мінску з'явіўся зарадны дыскаўнтэр для электракараў. Яго адкрыла буйная сетка Zaryadka.
Разынка дыскаўнтэра ў тым, што кошт зарадкі тут амаль на 30% ніжэйшы за звычайны — 48 капеек за кВт·г, піша Office Life.
Зарадны дыскаўнтэр знаходзіцца на тэрыторыі 9‑й клінічнай бальніцы, але са свабодным заездам для ўсіх жадаючых.
Новы хаб разнеслі на дзве лакацыі: першая размешчана ля будынка 10‑га корпуса побач з дарогай, а другая — побач з 20‑м корпусам за галоўным будынкам.
Усяго ў дыскаўнтэр уваходзяць чатыры зарадныя станцыі. Так, у 10‑га корпуса абсталявана хуткая станцыя магутнасцю 160 кВт і адна менш «паспешлівая» — на 40 кВт. Побач з 20‑м корпусам бальніцы ўстаноўлены дзве ЭЗС на 40 кВт кожная.
Ільготныя тарыфы ў зараднай хабе прадстаўнікі сеткі тлумачаць сацыяльнай місіяй — выказаць падзяку медработнікам і падтрымаць пацыентаў.
Для кампаніі гэта ўжо другі зарадны дыскаўнтэр, але першы ў межах МКАД. Першы з іх з'явіўся ў траўні ў прамзоне «Шабаны».
Усяго ж у сеткі каля 100 станцый па ўсёй Беларусі з найбольшай канцэнтрацыяй у Мінску. Адзін з найбуйнейшых праектаў — мегахаб у гандлёва-забаўляльным цэнтры Galleria Minsk. А ў пачатку верасня кампанія адкрыла буйны зарадны хаб у сталічным жылым комплексе «Мінск-Свет».
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць15
Каментары