Спецыяльны пасланнік прэзідэнта ЗША па Беларусі Джон Коўл пасля вяртання з Мінска сустрэўся з прэзідэнтам Літвы Гітанасам Наўседам і прэм’ер-міністрам Міндаўгасам Сінкявічусам. Падчас перамоў абмяркоўвалі сітуацыю ў Беларусі, вызваленне палітвязняў і пытанні рэгіянальнай бяспекі.
Пасля сустрэчы з Коўлам, якая адбылася 16 верасня, Наўседа заявіў, што вызваленне часткі палітычных зняволеных не азначае змены рэжыму ў Мінску. Паводле яго слоў, дасягнуты гуманітарны прагрэс стаў вынікам ціску ЗША, аднак агульная сітуацыя ў сферы бяспекі застаецца практычна нязменнай.
Літоўскі прэзідэнт адзначыў, што з тэрыторыі Беларусі ў Літву залятаюць беспілотнікі, працягваецца прыбыццё нелегальных мігрантаў, а Мінск узмацняе ядзерную пагрозу каля межаў НАТА. У якасці прыкладу ён згадаў планы пашырэння Беларускай АЭС у Астраўцы.
Разам з тым Наўседа прывітаў дамоўленасць аб вызваленні часткі палітвязняў і паабяцаў ЗША ўсебаковую дапамогу. Літва гатовая падтрымліваць гуманітарную місію ЗША, а таксама дапамагаць вызваленым зняволеным пры перасячэнні беларуска-літоўскай мяжы.
Джон Коўл таксама правёў сустрэчу з прэм’ер-міністрам Літвы Міндаўгасам Сінкявічусам. Кіраўнік літоўскага ўрада заявіў, што краіна высока ацэньвае намаганні ЗША па вызваленні беларускіх палітвязняў і зніжэнні напружанасці ў рэгіёне.
Сінкявічус падкрэсліў, што амерыканскі дыпламатычны ўдзел дапамагае зніжаць гібрыдныя пагрозы і ўмацоўваць бяспеку Літвы і суседніх краін. Ён таксама папрасіў перадаць прэзідэнту ЗША Дональду Трампу падзяку за намаганні ў сферы рэгіянальнай бяспекі.
Са слоў прэм’ер-міністра Літвы, чым больш увагі Вашынгтон надае рэгіёну, тым большай становіцца яго бяспека. Сінкявічус запэўніў, што Літва і надалей будзе надзейным саюзнікам ЗША.
Коўл спадзяецца, што Лукашэнка вызваліць у наступным месяцы яшчэ сотні зняволеных
Літоўская стаматалогія за гадзіну адгукнулася дапамагчы беларусам. Невядомыя гісторыі першага дня вызваленых палітвязняў
Ціханоўская: Перамовы пра вызваленне людзей ідуць цяжка
Пасля апошняга буйнога памілавання палітвязнямі прызналі яшчэ 224 чалавекі
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць25
Каментары