Рэстаран з'явіцца непадалёк ад гандлёвага цэнтра «Капітал». Гэты аб'ект стане другім пунктам сеткі на тэрыторыі Віцебскай вобласці, піша «Наваполацк анлайн».
Лакацыя для будучай установы Mak.by знаходзіцца ў крокавай даступнасці ад галоўных транспартных артэрый і буйных інфраструктурных аб'ектаў Наваполацка: паблізу 10‑га мікрараёна, дзе ўжо пачалося будаўніцтва новага фізкультурна-аздараўленчага цэнтра.
Новы Mak.by зможа адначасова прыняць 97 гасцей, а ў цёплы сезон да іх дададуцца яшчэ 48 месцаў на адкрытай летняй тэрасе.
Працэс замовы цалкам лічбавізуюць: унутры ўсталююць інтэрактыўныя кіёскі самаабслугоўвання і электронныя меню-борды, а патокі наведвальнікаў падзеляць на зоны чакання і выдачы.
Аўтамабілісты змогуць скарыстацца хуткай лініяй Mak.Drive, для якой прадугледжана паркоўка на 21 машына-месца.
Па ўзгадненні з гарадскімі ўладамі кампанія бярэ на сябе абавязацельствы па комплексным добраўпарадкаванні прылеглай тэрыторыі. Тут разаб'юць новы сквер, дзе пракладуць пешаходныя дарожкі, усталююць сучасныя лаўкі і змантажуюць сістэму дэкаратыўнага асвятлення.
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў105
Каментары
Коля "Параша" будет очень рад. Ведь он теперь "афицэгр", а не прапорщик lol