Адзін з пунктаў — энергетычнае перамір'е.
ЗША прапануюць тры крокі для дээскалацыі вайны ва Украіне. Пра гэта прэзідэнт Украіны Уладзімір Зяленскі паведаміў у інтэрв’ю Axios.
Адміністрацыя Трампа настойвае на трох неадкладных кроках, адзначыў ён, — рэжыме спынення агню ў дачыненні да аб’ектаў энергетычнай інфраструктуры, аднаўленні працы Чарнаморскага збожжавага калідора і трохбаковай сустрэчы ЗША, Расіі і Украіны. У якасці магчымага месца правядзення такой сустрэчы называюць Абу-Дабі.
«Мы адкрытыя — любая краіна, любы фармат», — заявіў Зяленскі.
Таксама ён адзначыў, што на сустрэчы з Трампам назваў снежаньскі саміт G20 у Маямі яшчэ адной магчымай пляцоўкай для трохбаковай сустрэчы на вышэйшым узроўні.
«Цяпер на стале ляжыць прапанова: энергетычнае перамір’е. Мы гатовыя», — цытуе Зяленскага Axios.
Зяленскі таксама падкрэсліў, што працягвае сумнявацца ў намерах Пуціна і лічыць, што той можа знайсці прычыны, каб пазбегнуць трохбаковай сустрэчы.
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»6
Каментары