Грамадства88

Ціханоўская сустрэлася ў Нью-Ёрку з Майкам Пампеа, які ў 2020‑м прыязджаў да Лукашэнкі

На палях Генеральнай асамблеі ААН у Нью-Ёрку Святлана Ціханоўская правяла сустрэчу з былым дзяржаўным сакратаром ЗША Майкам Пампеа, які займаў гэтую пасаду падчас першай адміністрацыі Дональда Трампа.

Святлана Ціханоўская і Майк Пампеа. Фота: прэс-служба Святланы Ціханоўскай

Асноўнай тэмай размовы, як паведамляе прэс-служба Святланы Ціханоўскай, сталі падзеі 2019—2020 гадоў і палітыка ЗША ў дачыненні да Беларусі ў той перыяд. Бакі закранулі спробы Вашынгтона пашырыць магчымасці Беларусі для захавання незалежнасці і паменшыць яе энергетычную залежнасць ад Расіі.

У лютым 2020 года Пампеа стаў першым за 26 гадоў дзяржаўным сакратаром ЗША, які наведаў Беларусь. Яго візіт адбываўся на фоне нафтавага канфлікту паміж Мінскам і Масквой. Пампеа тады заявіў пра падтрымку Злучанымі Штатамі суверэнітэту і незалежнасці Беларусі і паведаміў, што амерыканскія энергетычныя кампаніі гатовыя забяспечыць краіну неабходнымі аб'ёмамі нафты па канкурэнтных цэнах.

Пазней Пампеа апісаў гэты перыяд у сваіх мемуарах «Ніколі не саступай ні цалі» (Never Give an Inch: Fighting for the America I Love). У кнізе ён крытычна характарызуе Аляксандра Лукашэнку як палітыка старой савецкай школы, галоўнай мэтай якога было захаванне ўласнай улады.

Паводле Пампеа, Лукашэнка разумеў небяспеку поўнай залежнасці ад Масквы, паколькі магчымасць паглынання Беларусі Расіяй магла пагражаць і яго ўласнаму становішчу. Таму на працягу многіх гадоў ён спрабаваў балансаваць паміж Расіяй і Захадам.

Пампеа таксама тлумачыць палітыку Вашынгтона ў пачатку 2020 года жаданнем даць Беларусі рэальную альтэрнатыву расійскай залежнасці, у тым ліку праз магчымасць паставак амерыканскай нафты. Аднак пасля выбараў Лукашэнка, паводле гэтай ацэнкі, зрабіў выбар на карысць гвалту і рэпрэсій супраць беларусаў, што істотна звузіла магчымасці для далейшага манеўравання паміж Захадам і Расіяй.

Каментары8

  • Слон у пакоі
    24.09.2026
    Што наконт мужа, Першага джэнтэльмэна Сяргея Ціханоўскага? Ці здольная нашая Лідарка прыняць рашэнне пра развод хоць пасля ўсяго адбыўшагася ці заплюшчыць вочы, як і заплюшчвала на Лукашэнку ўсе гэтыя гады да 2020?
  • пакіньце іх у пакоі
    24.09.2026
    Слон у пакоі, яны самі разбяруцца. А вось ці здольны шаноўны слон самастойна не пісаць глупстваў у каментарах ці трэба ментарская падтрымка мадэратара - пытанне рубам.
  • заплюшчвала ад асалоды?
    24.09.2026
    Слон у пакоі, яна за лукашэнку галасавала

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць