«Трэскі лятуць». Выйшла кніга пра дзяцей раскулачаных і дэпартаваных беларусаў
Гісторык Ірына Раманава выдала сваю новую кнігу пад назвай «Трэскі лятуць. Дзеці спецпасяленцаў: Беларусь—Котлас—Беларусь».
У манаграфіі даследуюцца сацыяльна-псіхалагічныя і маральна-этычныя наступствы раскулачвання і прымусовых дэпартацый у СССР.
Дзякуючы прыцягненню рознабаковых крыніц аўтарка выходзіць за межы апісання рэпрэсій і аналізуе лімінальны статус пацярпелых, механізмы канструявання «прэзумпцыі вінаватасці» ў савецкім грамадстве і яе ўплыў на жыццёвы шлях тых, хто выжыў, і іх дзяцей.
Даследчыца разглядае складанае перапляценне дзяржаўнага гвалту, індывідуальнай ідэнтычнасці, калектыўнай памяці і барацьбы за годнасць. Канцэптуалізуецца паняцце міжпакаленнай трансляцыі траўмы як свядомага працэсу стварэння сэнсу і сацыяльнага супраціву.
Таталітарны гвалт рэверберуе праз пакаленні, а памяць становіцца полем супраціву: пошук прызнання і справядлівасці працягваецца нават за адсутнасцю інстытуцыянальнага вырашэння.
16 кастрычніка ў Вільні з нагоды выдання гэтай кнігі адбудзецца дыскусія. У ёй будзе ўдзельнічаць, акрамя самой аўтаркі, літаратуразнаўца Ціхан Чарнякевіч.
Месца правядзення: Tautinių bendrijų namai (Дом нацыянальных супольнасцяў), Raugyklos g. 25.
Час правядзення: 18.15—19.00.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары