МЗС: Інфармацыі пра беларусаў, якія маглі пацярпець у Іспаніі, не паступала
У Міністэрства замежных спраў Беларусі пакуль няма інфармацыі пра грамадзян краіны сярод загінулых і параненых у выніку чыгуначнай катастрофы ў Іспаніі.
У МЗС паведамілі, што беларускае пасольства ў Іспаніі падтрымлівае пастаянную сувязь з мясцовымі ўладамі і ўважліва сочыць за сітуацыяй.
МЗС Беларусі таксама выказала спачуванні сем’ям і блізкім загінулых у выніку сутыкнення хуткасных цягнікоў у іспанскай правінцыі Таледа і пажадала найхутчэйшага выздараўлення ўсім пацярпелым.
Аварыя адбылася раніцай у сераду, 28 кастрычніка. Адзін пасажырскі цягнік ехаў з Мадрыда ў Севілью, другі, які належыць прыватнаму аператару хуткасных перавозак Iryo, рухаўся ў процілеглым кірунку. У выніку сутыкнення два вагоны сышлі з рэек.
Паводле апошніх звестак, загінулі не менш за 68 чалавек, яшчэ амаль дзве сотні пацярпелі. Усяго ў двух цягніках знаходзіліся 544 пасажыры.
Міністр транспарту Оскар Пуэнтэ паведаміў, што прычынай сутыкнення стаў збой у сістэме чыгуначнай сігналізацыі. Сістэма падала сігнал спыніць цягнікі, аднак праз некаторы час адзін з іх памылкова атрымаў дазвол аднавіць рух.
У сувязі з катастрофай улады Мадрыда пачалі адмяняць усе мерапрыемствы, запланаваныя на сераду, а жыхароў заклікалі тэрмінова здаваць кроў.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары