Moładź BNF — sirotam
4 listapada prajšła dabračynnaja akcyja dziela vychavancaŭ dziciačaha domu №4. Arhanizataram mierapryjemstva byŭ sustaršynia kulturnickaj supołki «Moładź PBNF» Aleś Mazanik. Arhanizatary padrychtavali najlepšym, pa vynikach pieršaj čverci, vučniam padarunki. Z najlepšymi vučniem i vučanicaj była zroblenaja admysłovaja fatasesija ŭ pryhožych miescach stalicy. Albomy z hetymi kartačkami i byli im uručanyja. Praśpiavać dla dziaciej pryjšli Kasia Kamockaja, Alaksandar Pamidoraŭ dy hurt «Pałac». Dzieci z pałacaŭcami navat razvučyli kaladnuju pieśniu.
Aleś Mazanik skazaŭ, što akcyja nie adzinkavaja i budzie mieć praciah.
Siamion Piečanko
∎
Padarvali lustru
Paśla vybuchaŭ u Viciebsku pravaachoŭnyja orhany pierastrachoŭvajucca pry luboj niebiaśpiecy. Na minułym tydni pilny hramadzianin zaŭvažyŭ na hazonie pierad čyhunačnym vakzałam u Voršy kardonnuju skryniu, abkručanuju skotčam. Milicyja chutka evakujavała pasažyraŭ dy vyklikała hrupu sapioraŭ ź Viciebsku. Navučany šukać vybuchovyja rečyvy sabaka na skryniu nie reahavaŭ. Tym nia mienš, kiraŭnictva aperacyi pa abiaškodžvańni nieviadomaha pradmieta vyrašyła jaho ŭzarvać. Jak vyśvietliłasia, u skryni była zvyčajnaja lustra. Haspadar jaje tak i nie znajšoŭsia. U hetaj sytuacyi ŭsie adpaviednyja słužby pracavali zładžana, tamu aperacyju paličyli za vučebnuju.
20 tonaŭ brydoty
Jašče ŭ krasaviku administracyja RUP «Los» (Barań) zahadała vylić 20 ton adchodaŭ chimika-halvaničnaj vytvorčaści ŭ praparačnuju kameru, što znachodzicca za sto metraŭ ad rečki Adroŭki. Z hetkich kamer adchody traplajuć u hruntovyja vody, a adtul u pitnuju vadu, jakaja j tak kiepskaja. Pravaabaroncy źviarnulisia ŭ rajonnuju inspekcyju pa ekalohii. Taja dała pradpisańnie pierazachavać adchody u polietylenavyja miachi. Prajšło niekalki miesiacaŭ, ale ničoha nia zroblena. Da taho ž tam ža paspalvali luminiscentnyja łampy, jakija zabaroniena raźbivać, bo jany ŭtrymlivajuć niebiaśpiečnuju dla zdaroŭja rtuć. Nie paskoryŭ vyrašeńnia prablemy i pikiet, praviedzieny baranskimi aktyvistami demakratyčnaha ruchu (pikiety tut ź niadaŭniaha času ładziać u saśniaku, ubaku ad žylla, tamu ich nichto nia bačyć).
Jaŭhien Žarnasiek, Vorša
∎
Dziady ŭ Połacku
Połackija hreka-kataliki na Dziady ŭ pamiać achviaraŭ stalinizmu zładzili nabaženstva la memaryjalnaha Kryža ŭ Bielčycach. Pravioŭ słužbu nastajaciel parafii Śv.Jazafata a.Lavonci. U akcyi brali ŭdzieł j veterany nacyjanalnaha ruchu — byłyja siabry Sajuza biełaruskich patryjotaŭ i viaźni HUŁAHu, pałačanie Leŭ i Maryja Bialevičy.
Vasil Krokva, Połacak
∎
Administracyja chutkaha reahavańnia
Na Kruhlanščynie pa skarzie nastaŭnikaŭ Vaŭkanosaŭskaj škoły kamisija Administracyi prezydenta zładziła pravierku. Nastaŭniki paskardzilisia, što im systematyčna zatrymlivajecca vypłata zarobku dy dziciačych dapamoh. Vyniki pravierki jašče nie viadomyja, ale zarpłata nastaŭnikam vypłačana.
Zinaida Mileščanka, Kruhłaje
∎
Nabudź vohnietušylnik — i handluj spakojna
Miesiac u Babrujsku nie pracuje hałoŭny haradzki ŭnivermah, jaki začyniła słužba pažarnaha nahladu. Kolki času supermarkiet užo namahalisia začynić praz adsutnaść systemy pažaratušeńnia i pažarnaha apaviaščeńnia. Ale tady kiraŭnictva HUMu pierakanała pažarnikaŭ, što vypravić niedachopy. Adnak čarhovaja pravierka vyśvietliła, što ničoha nia zroblena, i pažarniki pajšli na rašučyja zachady. Miž tym pryvatnyja pradprymalniki, jakija arandujuć niemałyja handlovyja płoščy ŭ HUMie, cierpiać straty nie sa svajoj viny.
Nadzieja Lisoŭskaja, Babrujsk
∎
Vajna śmietnicam
Napiaredadni I Usiebiełaruskaha ekalahičnaha forumu ŭ Voršy šmat srodkaŭ vydatkavali na ŭstanoŭku śmietnic. Ale śmietnicy, zroblenyja ź plastmasy, užo amal paŭsiudna zhareli ad niedakurkaŭ. Košt śmietnicy — 195 tys. rub. (nie na kožnym aršanskim pradpryjemstvie ludzi stolki zarablajuć u miesiac).
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»13
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary