Łukašenka ŭsio padhrob pad siabie
Alaksandar Łukašenka praciahvaje pierabirać paŭnamoctvy parlamentu i ŭradu. Ukazam №520 nadaje jamu paŭnamoctvy rasparadžacca ŭ sfery rasparadžeńnia dziaržaŭnaj majomaściu, pryrodnymi resursami, dziaržaŭnym biudžetam. Prezydent budzie sam vyrašać, jakim pradpryjemstvam i jakim indyvidualnym pradprymalnikam dać adterminoŭku, kredyt, vydzielić subsydyju ci srodki. «A.Łukašenka paprostu narmatyŭna zmacavaŭ paŭnamoctvy, jakija i tak u jaho byli», — kamentuje «Biełorusy i rynok». Ukaz nabudzie moc z 14 listapada i budzie realizavany ŭ poŭnym abjomie z 1 červienia 2006 hodu. Kali ŭ lipieni jaho pieraabiaruć, pakarystajecca jon ukazam niadoŭha.
Słaby pratest deputataŭ
U zakonaprajekcie pa ŭniasieńni źmienaŭ u Investycyjny kodeks, jaki ŭklučany ŭ paradak dnia sesii pałaty pradstaŭnikoŭ, utrymlivajecca punkt pra skasavańnie harantyi niaźmiennaści zakanadaŭstva dla zamiežnych investaraŭ ciaham piaci hod z momantu rehistracyi pradpryjemstva. Kamisija pa žyllovaj palitycy adznačyła, što heta stvoryć barjery dla pryciahnieńnia ŭ krainu zamiežnych investycyj, i pryniała rašeńnie rekamendavać deputatam adchilić zakonaprajekt.
Stvareńnie chołdynhu «Biełnaftachim»
Urad maje abjadnać usie naftachimičnyja pradpryjemstvy ŭ adzin chołdynh na bazie kancernu «Biełnaftachim». Kancern abjadnoŭvaje 40 pradpryjemstvaŭ, na jakich pracujuć 116 tys. čałaviek.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary