Nievialikaje pra vialikich
Tycyjan i tytanizm
Čytajučy proźvišča Tiziano, vypadkova pračytaŭ Tytano! Moža, z padobnaj pamyłki pračytańnia i pajšoŭ vyraz «tytany Adradžeńnia» i dalej «epocha patrabavała tytanaŭ, i epocha naradziła tytanaŭ». Tak, epocha Adradžeńnia naradziła Tycyjana, Leanarda, Rafaela, a naš čas postmadernizmu nia moža navat vyznačyć, chto ź ich bolšy tytan.
Rubens i nadzimańnie
Rubens, pišučy karciny, nadzimaŭ ščoki. A jak inakš namalavać takich nadźmutych žančyn i aniołaŭ, takich kruhładupych pryhažuń z kruhłaščokimi dziećmi? Ty pasprabuj nadźmuć ščoki, nibyta puskaješ burbałki ŭ vadzie, i skažy Piter (burbałka) Paŭl (burbałka) Ru-bens (dźvie burbałki). Udałosia? Viadoma, bo ŭ Rubensa navat piaty j mieziency j tyja nadźmutyja. Kali Leanarda paraŭnoŭvaŭ žyćcio ź pleśniaju, dyk Rubens z burbałkami, biez sumnievaŭ.
Kranach i vuzłavataść
Kranach-starejšy svaich ludziej nibyta vytočvaŭ z vuzłavataha dreva, takija jany ŭ jaho nieprazrystyja, takija čała-čałaviečnyja, što žach biare.
Surbaran i Chrystos
Hladžu na «Chrysta na kryžy», napisanaha Surbaranam, i baču nia zmučanaha čałavieka, što biazvolna abvis na kryžy, a razmach kryłaŭ Božaha Duchu. Duch łunaje, a ja čuju bluźnierskaje pytańnie: «Ci jość dzie karcina «Chrystos zrynuty»?..»
Tjepała i Chrystos
Kali Chrystos vyhaniaŭ z chramu handlaroŭ, jon čuŭ zvon srebra, za jakoje i budzie pradadzieny. Majo nazirańnie paćvierdziŭ Tjepała. Na pałatnie «Vyhnańnie z chramu», dzie padobny da Judy handlar lažyć z raźbitym nosam kala misy z hrašyma.
Kanaleta i Huliver
Na pałatnie Kanaleta namalavany horad liliputaŭ. U Kanaleta ŭsie krajavidy — z haradami liliputaŭ. Kala jahonaj Venecyi ŭ minijatury čakaješ prychoda Hulivera. Čakaješ, čakaješ i raptam razumieješ, što ty sam toj Huliver. Tak u Barselonskim akvaryjumie z akułami ty taksama pieratvarajeśsia ŭ Hulivera, tolki nie ŭ Lilipucinii, a ŭ Vałatavie.
Velaskies i piory
Stravusinyja piory, uplecienyja ŭ vałasy hluhanosaj infanty i namalavanyja pendźlem Velaskiesa ŭ XVII stahodździ, dahetul varušacca. Ty sychodziš z muzeju-manastyru Pedralbes, a jany zastajucca, kab pakałychvacca ad lohkaha dachańnia nastupnych hledačoŭ.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary