Dziaržaŭny manapalist u sfery raspaŭsiudžvańnia peryjadyčnych vydańniaŭ pa padpiscy RUP «Biełpošta» vyklučyła z padpisnoha katalohu na 2006 hod šmat jakija niezaležnyja hazety.
Siarod ich respublikanskija vydańni «Narodnaja vola», «Salidarnaść», «Zhoda», «BDH. Diełovaja hazieta», «Rehijanalnaja hazieta», inšyja niedziaržaŭnyja hramadzka-palityčnyja vydańni.
HA «Biełaruskaja asacyjacyja žurnalistaŭ»:
— vykazvaje svoj pratest u suviazi z parušeńniami pravoŭ čytačoŭ i redakcyj peryjadyčnych vydańniaŭ, vyklučanych z padpisnoha katalohu;
— patrabuje ad «Biełpošty» zabiaśpiečyć vykanańnie zakanadaŭstva i ŭklučyć u padpisny kataloh vydańni bieź jakoj-kolviek dyskryminacyi;
— nahadvaje Ministerstvu suviazi i infarmatyzacyi jak upaŭnavažanamu dziaržaŭnamu orhanu, što ŭ adpaviednaści z zakonam «Ab paštovaj suviazi» dziaržava harantuje dastupnaść i jakaść pasłuh paštovaj suviazi, u tym liku padpiski na hazety, i prosić spynić parušeńnie «Biełpoštaj» pravoŭ i intaresaŭ padpisčykaŭ i redakcyj.
HA «Biełaruskaja asacyjacyja žurnalistaŭ» źviartajecca da čytačoŭ z zaklikam vystupić u abaronu svaich pravoŭ i ŭ padtrymku niezaležnych hazet. Pratesty i zvaroty treba nakiroŭvać hieneralnamu dyrektaru RUP «Biełpošta» (pr.Niezaležnaści, 10, 220050, h.Minsk, teł. 226-01-73, faks 226-11-70) i ministru suviazi i infarmatyzacyi (pr.Niezaležnaści, 10, 220050, h.Minsk, teł. 227-38-61, faks 227-21-57).
Listy pavinny ŭtrymlivać pasadu adrasata, Vaša proźvišča, imia, imia pa baćku i adras, ukazańnie na parušeńnie Vašych pravoŭ vyklučeńniem vydańniaŭ z padpisnoha katalohu, patrabavańnie zabiaśpiečyć vykanańnie biełaruskaha zakanadaŭstva, a taksama data i podpis. Akramia taho, kožny moža ŭnieści zapis u Knihu zaŭvah i prapanoŭ u svaim paštovym adździaleńni. U adpaviednaści z prezydenckim dekretam №2 ad 14 studzienia 2005 hodu «Ab udaskanaleńni pracy z nasielnictvam» hetaja kniha pavinna być pradjaŭlena pa pieršym patrabavańni hramadzianina, a prapanovy i zaŭvahi – razhledžany na praciahu 15 dzion.
Nadyšoŭ toj momant, kali treba skazać «nie» svavolstvu. Razam abaronim svajo prava na atrymańnie infarmacyi.
Pryniata na pasiadžeńni Praŭleńnia hramadzkaha abjadnańnia «Biełaruskaja asacyjacyja žurnalistaŭ» 10 listapada 2005 h.
Ciapier čytajuć
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary