Biełaruskamoŭnyja samotniki atrymali svoj kutok dla znajomstvaŭ u siecivie. Prajekt «Mara» www.mara.by źjaviŭsia dziakujučy vysiłkam internet-dziejača Feda (Chviedar Karalenka), tvorcy ličylnika «Akavita» i fen-sajtu «Pieśniaroŭ».
Jak tolki resurs znajomstvaŭ zapracavaŭ, Fed dadaŭ tudy i svaju ankietu: «I nie škaduju: užo zajmieŭ cikavaje znajomstva». Stvaralnik «Mary» daviaraje virtualnym stasunkam: «Kali naładžvajecca cikavaja pierapiska, u realnym žyćci ludzi majuć vialikija šancy parazumiecca».
Patreba va ŭłasnabiełaruskim sajcie znajomstvaŭ naśpieła daŭno. Popyt u Internecie na takija rečy vialiki, a biełarusy raniej karystalisia rasiejskaj systemaj «Mamba»: na ŭsich sajtach adny i tyja ž ankiety, a dyzajn takich prajektaŭ amal adnolkavy. Chviedar vyrašyŭ stvaryć ułasnabiełaruskuju systemu. Najpierš dla raźvićcia Biełnetu — kab jon vyhladaŭ poŭnafarmatnym i celnym.
I biełaruskamoŭnyja adhuknulisia na stvareńnie svajho klubu. Z kožnym dniom ankiet na sajcie stanovicca ŭsio bolej — za miesiac pracy na sajcie zarehistravałasia bolej za 100 čałaviek (kantaktavać možna, tolki kali atrymaješ parol). Nadalej Fed planuje ŭvieści dadatkovyja srodki kantaktavańnia (čat). Pakul ža pracuje forum, jaki čytajecca z pryjemnaściu: amal usie naviedniki vydatna vałodajuć movaj i abychodziacca biaz pošłaściaŭ.
Pakul kolkaść ankiet, padadzienych na «Maru» mužčynami, utraja bolšaja za dziavočuju. Pošuk na sajcie možna vieści pa niekalkich napramkach, uličvajučy kožny faktar — ad uzrostu da koleru vałasoŭ i vačej. Tamu stvaralniki prajektu ŭpeŭnieny: chto šukaje — toj znojdzie. U svoj čas.
Ciapier čytajuć
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika2
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5656
Kamientary