U pačatku listapada ŭ Arhientynie prajšoŭ čarhovy kanhres IKČF — Mižnarodnaj federacyi zavočnych šachmat. Delehat Biełarusi nia braŭ udziełu ŭ dyskusijach i vybarach: hołas našaj krainy byŭ davierany Siarhieju Hrodzienskamu, kiraŭniku rasiejskaj Asacyjacyi hulni praź pierapisku.
Na kanhresie vybrali novaha prezydenta IKČF — im staŭ Machamed Samraŭi, hramadzianin Niamieččyny alžyrskaha pachodžańnia. Niamieččyna — kraina, dzie hulnia ŭ šachmaty praź pierapisku papularnaja jak mała dzie, tamu vybar akazaŭsia davoli zakanamierny.
Pryjemnaj niečakanaściu Kanhresu — u tym liku dla samoha laŭreata — było ŭhanaravańnie mižnarodnaha hrosmajstra, aŭtara «NN» Źmitra Łybina siarebranym medalom imia Bertl fon Masaŭ za ŭniosak u raźvićcio zavočnych šachmat. Sp.Łybin žyvie ŭ Miensku, jamu 42 hady. Z padačy treneraŭ Artura Biełavusienki i Ŭładzimiera Niakrasava jon zachaplajecca hulnioj praź pierapisku amal try dziesiacihodździ, hulaŭ navat u vojsku (biaz doški!). U biełaruskaj federacyi adkazvaje za suviazi z zamiežžam — jon i byŭ tym samym delehatam Biełarusi, jaki nie pajechaŭ za akijan. Aktyŭna i paśpiachova vystupaje ŭ spabornictvach roznaha ŭzroŭniu, až da turniru pretendentaŭ na pieršynstvo śvietu. Nie zabyvajecca i na studentaŭ Biełaruskaj akademii muzyki, dzie vykładaje instrumentoŭku, čytańnie arkiestravych partytur, składańnie. Sam składaje fartepijannyja tvory, vykonvajučy ich na mižnarodnych festyvalach.
Niadaŭna na turniry, pryśviečanym stahodździu Federacyi zavočnych šachmat Danii, Źmicier Łybin adoleŭ Jorna Słota, vośmaha čempijona śvietu ŭ hulni praź pierapisku. «Jak heta i byvaje na vysokim uzroŭni, jon nie zrabiŭ jaŭnaj pamyłki, a tolki try niedakładnaści ŭ maneŭrach słana. Zamiest chadoŭ u partyi lepš było hulać 15. Se3, 18. Sc5, 19. Se3», — miralubna zaznačyŭ pieramožca.
P.S. My paprasili sp.Łybina pakazać uznaharodu, adnak laŭreat pakul nie atrymaŭ svajho medala, nazvanaha ŭ honar vydatnaj arhanizatarki, žonki treciaha prezydenta IKČF Vernera fon Masaŭ. Kaža, pajedzie pa jaho ŭ Maskvu da doktara Hrodzienskaha.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary