Prafiesijny vajskoviec, jaki atrymaŭ dobruju adukacyju ŭ hetaj śfiery.Słužyŭ u HDR, na Dalokim Uschodzie. U 1995 byŭ pryznačany ministram abarony, ale ŭžo praz hod byŭ zvolnieny za ŭčynak, što «dyskredytuje vajskovaje zvańnie aficera». Na jubilei Minskaha miedinstytuta Łukašenku padałosia, što Malcaŭ pjany. Paśla hetaha i byŭ padpisany zahad ab zvalnieńni. Praŭda, pahavorvali, što Łukašenka prosta bajaŭsia, što ministr abarony padtrymaje prychilnikaŭ demakratyi. Praź piać hadoŭ Malcava viarnuli na staruju pasadu. Za čas svajoj dziejnaści Malcaŭ nie byŭ zaŭvažany ani ŭ siabroŭstvie z Šejmanam, ani ŭ asablivych adnosinach ź Viktaram Łukašenkam, nijakaj niełajalnaści ci krytyčnych vykazvańniaŭ ad jaho taksama nichto nie čuŭ.
Hienierał Valeryj Frałoŭ kazaŭ, što Malcaŭ — heta samy pieradavy aficer biełaruskaha vojska.
***
Cytata: «Prablem ź biełaruskaj movaj u vojsku nie było i nie budzie».
Na pytańnie ab biełaruskamoŭnych pryzyŭnikach, jakim kamandy addajuć pa-rasiejsku, luty, 2008.
Abjektyŭka
Naradziŭsia ŭ 1949 u Słonimskim rajonie. Skončyŭ Minskuju suvoraŭskuju vučelniu (1967), Kijeŭskuju vyšejšuju kamandnuju vučelniu (1971), Vajskovuju akademiju imia Frunze (1979), Vajskovuju akademiju Hieneralnaha štaba (1992). Hienierał-pałkoŭnik. Ministr abarony (1995—1996, 2001—2009).
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary