Čamu Snoŭden prasiŭ naviednikaŭ skłaści mabilniki ŭ ladoŭniu
Sustrakajučysia z advakatami niadzielnym viečaram u svaim hatelnym numary ŭ Hankonhu, były techničny supracoŭnik ANB Edvard Snoŭden paprasiŭ naviednikaŭ skłaści mabilniki ŭ ladoŭniu.
Čamu jon heta zrabiŭ? Adkaz zusim nie va ŭździejańni tempieratury, jak niechta moža padumać. Nasamreč navat niavažna, pracuje ladoŭnia ci nie. Reč u mietale, ź jakoha zrobleny korpus.
«Što vam treba, dyk heta błakavać radyjosihnał i całkam błakavać huk, — tłumačyć Adam Charvi, dyzajnier i raspracoŭščyk adzieńnia i aksiesuaraŭ dla abarony ad prasłuchoŭvańnia. U tym liku jon niadaŭna vypuściŭ ekranavalny čachoł dla smartfonaŭ OFF Pocket.
Korpus ladoŭni zrobleny ź mietału z toŭstym płastom izalatara, tak što jon patencyjna moža vykonvać i tuju, i druhuju funkcyju, i ŭsio roŭna, jakaja ŭnutry tempieratura.
Toŭstyja mietaličnyja ścienki stvarajuć elektramahnitny barjer dla radyjochvalaŭ, na ŭzor kletki Faradeja.
Kletka Faradeja — pryłada, vynajdzienaja anhielskim fizikam i chimikam Majkłam Faradejem u 1836 hodzie dla ekranavańnia aparatury ad vonkavych elektramahnitnych paloŭ. Niekatoryja ladoŭni padychodziać dla takoj ža zadačy.
Adam Charvi ekśpierymientavaŭ z roznymi pryborami ŭ domie i znajšoŭ jašče adzin, jaki taksama efiektyŭna ekranuje radyjochvali. Im akazaŭsia šejkier marcini ź nieržaviejučaj stali.
Akramia elektramahnitnych chvalaŭ ladoŭnia dobra zahłušaje huk, choć vytvorcy nie dajuć takich harantyj.
Bolš nadziejnym rašeńniem suprać prasłuchoŭvańnia było b prosta dastać akumulatar z pryłady. Na žal, apošnim časam usio bolš papularnymi robiacca pryłady, ź jakich prosta tak dastać akumulatar niemahčyma. U toj ža čas damahčysia poŭnaha vyklučeńnia biez vymańnia akumulatara ŭ ich taksama niemahčyma, tak što prasłuchoŭvańnie ŭ «vyklučanym» stanie zastajecca realnaj pahrozaj.
-
Jak biełaruskija łaziery dapamahli daśledavańniam, za jakija sioleta ŭručyli Nobieleŭskuju premiju pa miedycynie
-
Sučasnyja mietady sudovaj ekśpiertyzy pakazali: pieršyja cary Jehipta mahli adpraŭlacca ŭ zamahilny śviet nie adny
-
Niejrasietki vynajšli salidarnaść: jany sabatujuć źniščeńnie inšych niejrasietak, nazyvajučy heta zabojstvam
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1010
Kamientary