Viadomaha biełaruskaha pravaabaroncu treci raz vyłučajuć kandydatam na atrymańnie Nobieleŭskaj premii.
Siarod inšych, podpisy za jaho źbirajuć deputaty polskaha Sojmu jak ad uradavaj Hramadzianskaj płatformy, tak i ad apazicyjnaha «Zakonu i spraviadlivaści» (PiS).
Inicyjataram zboru podpisaŭ u polskim parłamiencie staŭ deputat Adam Lipinski z PiS.
— Hetak ža, jak usia polskaja «Salidarnaść» u svoj čas była ŭhanaravana Nobielem u asobie Lecha Valensy, tak i abaroncy pravoŭ čałavieka ŭ Biełarusi pavinny być uhanaravany Nobieleŭskaj premijaj miru praź Bialackaha, — kaža jon.
Na siońnia pad naminacyjaj padpisalisia ŭžo 160 polskich deputataŭ, piša Gazeta Wyborcza.
Nahadajem, što Bialacki zastajecca ŭ śpisie kandydataŭ usie hady svajho źniavoleńnia.
Bialacki źbiraŭ na svaje rachunki hrošy na dapamohu represavanym i achviaram režymu Alaksandra Łukašenki.
Pravaabaroncy-viasnoŭcy prychodzili z dapamohaj da ŭsich niapraviedna asudžanym, niezaležna ad ich palityčnych pohladaŭ.
Biełaruskija ŭłady zdabyli praz orhany justycyi Litvy i Polščy numary rachunkaŭ Bialackaha i pasadzili jaho ŭ turmu, źvinavaciŭšy ŭ niaspłacie padatkaŭ.
Bialacki zasłužyŭ viadomaść i pavahu ŭ 1980-ja hady jak adzin z pačynalnikaŭ ruchu za niezaležnaść Biełarusi.
U 1990-ja z palityki jon syšoŭ u abaronu pravoŭ čałavieka. Źniavoleńnie Alesia Bialackaha vyklikała niezraŭnanuju chvalu salidarnaści ź biełaruskim narodam u roznych krainach śvietu.
Jak paviedamlała Narviežskaje telebačańnie, u 2013-m Bialacki byŭ za krok ad atrymańnia Nobieleŭskaj premii. Ale ŭrešcie premija dastałasia Arhanizacyja pa zabaronie chimičnaj zbroi.
Premija miru — adzinaja z nobieleŭskich premij, jakuju prysudžajuć narviehi, a nie šviedy. Tak rašyŭ u svoj čas Alfred Nobiel. Akurat tady, kali jon zasnoŭvaŭ svaju ŭznaharodu, Narviehija zdabyła niezaležnaść ad Šviecyi.
Dahetul hramadzianie Biełarusi Nobieleŭskich premij nie atrymlivali.
Vyłučać na nobieleŭskuju premiju miru majuć prava deputaty parłamientaŭ, ministry, a taksama prafiesary prava abo mižnarodnych adnosin i jašče šerah katehoryj ludziej.
Naminacyi na na Nobieleŭskuju premiju miru dasyłajuć štohod da 1 lutaha. Imia łaŭreata abviaščajuć u kastryčniku.
Kamientary