Apublikavana novaje videa rekordnaha skačka Fieliksa Baŭmhartniera sa strataśfiery, ździejśnienaha ŭ kastryčniku 2012 hoda.
Baŭmhartnier vyskačyŭ z admysłovaj kapsuły, padniataj z dapamohaj pavietranaha šara z hielijem ŭ strataśfieru na vyšyniu 39045 mietraŭ. Svabodnaje padzieńnie spartsmiena-ekstremała, jaki atrymaŭ mianušku Biasstrašny Fieliks, doŭžyłasia 4 chviliny 19 siekund. Paśla hetaha raskryŭsia parašut, i śmialčak udała pryziamliŭsia ŭ amierykanskim štacie Ńju-Mieksika.
Rolik pad nazvaj «Full Story» zmantavany z archiŭnych kadraŭ skačka papiaredniaha rekardsmiena Džozefa Kicinhiera, a taksama z kadraŭ, źniatych kamierami na skafandry Baŭmhartniera. Pakazany sam skačok z admysłovaj kapsuły, padniataj na vyšyniu amal 39 tysiač mietraŭ, palot i pryziamleńnie. Vidać, što ŭ pačatku skačka Baŭmhartniera zakruciła, adnak jamu ŭdałosia stabilizavać svajo stanovišča ŭ pavietry.
Baŭmhartnier adnačasova ustanaviŭ try suśvietnyja rekordy: ździejśniŭ skačok z samaj vialikaj vyšyni, damohsia samaj vialikaj dystancyi volnaha padzieńnia i raźviŭ samuju vysokuju ŭ historyi chutkaść volnaha padzieńnia — 1357,6 km/č. Jon staŭ adzinym čałaviekam u śviecie, jaki pieraadoleŭ chutkaść huku samastojna.
Praź niekalki dzion paśla skačku Baŭmhartnier abviaściŭ pra zaviaršeńnie spartyŭnaj karjery. «Bolš nie zastałosia ničoha, čaho b ja nie damohsia. Heta byŭ samy bujny prajekt u maim žyćci. I ja ščaślivy, što paśla ŭsich svaich dasiahnieńniaŭ zastaŭsia žyvy».
Kamientary