Hodnaja bijahrafičnaja stužka, jakuju varta ŭbačyć.
Žyćcio ŭ ružovym kolery (La Môme)
Francyja – Vialikabrytanija – Čechija, 2007, kalarovy, 140 chv.
Režyser: Aliŭje Daan
Roli vykonvajuć: Meryjon Kacijiar, Silvi Teściu, Emanuel Seńje, Paskal Hrehary, Žan-Pol Ruŭ, Žerar Depardjo, Kłacilda Kuaro
Žanr: Bijahrafičnaja drama
Pryzy: Naminacyja na "Załatoha miadźviedzia" Berlinskaha kinafestu, pryz MKF u Syetle Meryjon Kacijiar za najlepšuju žanočuju rolu, pryz MKF u Koburhu za najlepšuju žanočuju rolu
Adznaka: 7,5 z 10
Śpiavačka Edyt Pijaf, jakaja naradziłasia ŭ truščobach, uźniałasia na padmostki samych prestyžnych zalaŭ. Jejnaje žyćcio – heta luboŭ, i heta pieśni, jakija dasiul začaroŭvajuć sercy.
Bijahrafičnyja dramy zvyčajna paviarchoŭnyja, nasyčanyja skandalnymi padrabiaznaściami z žyćcia znakamitaściaŭ – i ničoha nie havorać pra dušu j tvorčaść. Inšyja kinabijahrafii akademična-napyšlivyja, manumentalnyja, nudnyja.
Karcina Aliŭje Daana ščaśliva pazbaŭlenaja hetych niedachopaŭ. Žyćcio słynnaj śpiavački – heta hołas jejnaj dušy.
U filmie – strakataja atmasfera Paryžu, luboŭ, baraćba j dziciačaja viera, mužnaść i čałaviečnaść serca – i naiŭna-piaščotny hratesk žestaŭ.
U režysera Daana byli pravalnyja stužki (jak “Barvovyja reki-2”), byli vykštałconyja kinapraktykavańni (“Chłopčyk-z-palčyk”), ale bijahrafija Edyt Pijaf – heta mocnaja j praŭdzivaja drama, jakaja pracinaje da śloz.
Aktrysa Meryjon Kacijiar źmianiła fryzuru, zhaliła brovy – i na hrym patrabavałasia da piaci (!) hadzinaŭ. Kacijiar nia vielmi vonkava padobnaja na Pijaf, ale jana pakazała hałoŭnaje – dušu aktrysy, jejnyja pačućci, luboŭ, niaščaście j radaść, upartaść i viesiałość.
Dźviuchhadzinnaja karcina pranosicca na adnym podychu, na adnym śpievie – i jašče doŭha buduć hučać u sercy pieśni Edyp Pijaf.
Film demanstrujecca ŭ kinateatry “Pieramoha” na movie aryhinału – z ruskimi subtytrami.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy9
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary