Zaprašajem na druhuju dyskusiju ź viesnavoha cykła ad kampanii «Budźma biełarusami!»
26 sakavika ŭ kreatyŭnaj prastory «CECH» adbudziecca druhi «raŭnd» vyśviatleńnia kampanijaj «Budźma biełarusami!» stasunkaŭ z kulturaj. Hetym razam u centry ŭvahi kožny z nas – i toj, chto maje patrebu ŭ dapamozie, i toj, chto zdolny dapamahčy.
Biełaruś – 93-ja. Takoje miesca advodzić našaj krainie mižnarodnaja statystyka pa ŭzroŭni dabračynnaści. Što heta značyć? Čamu tak adbyvajecca? I ci varta niešta mianiać?
Z adnaho boku, pa ŭsioj krainie čas ad času dabračynnyja mierapryjemstvy adbyvajucca. Ale jany nie źbirajuć anšłahaŭ. Ź inšaha, u ekstremalnych situacyjach biełarusy biez prymusu kidajucca adno adnamu na dapamohu (jak, naprykład, było padčas «Chaŭjera»).
Nakolki ŭłaściva biełarusam dapamahać adno adnamu? Ci zdolnyja my nie prosta zaŭvažyć čužuju biadu, ale i achviaravać na dapamohu svoj čas, srodki, dušeŭnyja vysiłki? Ci musić u hramadstvie farmavacca kultura dabračynnaści? Jak i kim?
Tema dabračynnaści pakul na pieryfieryi štodzionnaha žyćcia. I tamu na čarhovym tok-šou jana budzie vyniesienaja na kalektyŭnaje abmierkavańnie, kab zrazumieć, ci jość dabračynnaść rysaj nacyjanalnaha charaktaru i kryteram darosłaści našaha hramadstva.
Akramia taho, buduć abmiarkoŭvacca i takija pytańni:
- Ci jość stymuły «tvaryć dabro pa ŭsioj ziamli» ŭ našym zakanadaŭstvie?
- Na karyść ci na škodu sapraŭdnaj dabračynnaści pijar?
- Što značyć karparatyŭnaja sacyjalnaja adkaznaść u Biełarusi? Jakija standarty, mahčymaści i stereatypy majem?
- Dabračynnaść jak biznes-ideja. Što spracoŭvaje ŭ nas?
- Što, akramia hrošaj, treba achviaravać? Jakija śfiery, dzie stała patrebnaja dapamoha, «abminajucca» ŭvahaj hramadstva?
Ekśpierty:
- Jury Čavusaŭ, juryst i palitołah;
- Siarhiej Drazdoŭski, kaardynatar Ofisa pa pravach ludziej ź invalidnaściu;
- Darja Słabčanka, abaronca pravoŭ žyvioł;
- Alena Marćjanava, supracoŭnica fondu «Dobra tut», mastačka.
Maderatar: Kryścina Vituška, ekśpiert u halinie markietynhu i kamunikacyj, suzasnavalnica prajekta dzietki.org.
26 krasavika
Kreatyŭnaja prastora «CECH», prasp. Niezaležnaści, 58, k.6 (prachod praz vuł. P.Broŭki), dalni padjezd, 2 pavierch (schiema prajezdu).
Pačatak: 19:00.
Uvachod volny.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary