Sam pa sabie poliviniłchłaryd nie bolš niebiaśpiečny za papieru. Adnak ekołahi i daktary kanstatujuć fakt: z-za vykarystańnia voknaŭ, padłoh i špaler z utrymańniem PVCH u ludziej raźvivajecca astma.
Asnoŭnuju škodu praduktaŭ z poliviniłchłarydu niasie nie sam PVCH, a rečyvy, jakija vykarystoŭvajucca pry jaho vyrabie. Hety fakt dazvalaje vytvorcam płastyku kazać pra biaśpieku PVCH, zamoŭčvajučy, što pry aho vytvorčaści da poliviniłchłarydu dadavalisia ftałaty — kisłoty, jakija vyklikajuć u čałavieka astmu, a taksama alerhiju, rakavyja zachvorvańni i mnohaje inšaje.
«PVCH vyrablajecca z syraviny, jakaja źjaŭlajecca adychodam, i niasie škodu arhanizmu čałavieka.
U ZŠA isnuje hrupa architektaraŭ, jakija zajmajucca daśledavańniem roznych płastykaŭ na arhanizm čałavieka. I pa ich daśledavańniach PVCH źjaŭlajecca samym ahresiŭnym rečyvam pa ŭździejańni. Poliviniłchłaryd źmiaščaje vialikuju kolkaść chłoru, jaki ŭ dalejšym ustupaje ŭ reakcyju, jon źjaŭlajecca ahresiŭnym dla navakolnaha asiarodździa», — skazaŭ Jindržyk Pieterlik, češski ekołah, supracoŭnik prahramy pa adchodach i chimikataŭ ekałahičnaj hramadskaj arhanizacyi «Arnika» (Čechija) na kanfierencyi «Biaśpieka tavaraŭ i praduktaŭ dla siemjaŭ».
Pavodle słoŭ śpiecyjalista, ludzi pavinny bolš asensavana padychodzić da vybaru budmateryjałaŭ: addavać pieravahu voknam biez płastyku, padłohavym pakryćciam i špaleram biez PVCH.
«Prapanova farmirujecca z popytu», — skazaŭ Pietierlik, zajaviŭšy, što vytvorcy pradukcyi z poliviniłchłarydu admoviacca ad jaje, kali jana stracić cikavaść pakupnikoŭ.
Dla PVCH isnuje kala 40 źmiakčalnikaŭ-ftałataŭ. Ź ich 6 zabaronienyja ŭ krainach ES. U Biełarusi ŭsio jany, u tym liku samyja niebiaśpiečnyja, dazvolenyja i šyroka vykarystoŭvajucca. U pryvatnaści, zabaronienyja da vykarystańnia ŭ Jeŭrapiejskim Sajuzie ftałaty prymianiajucca na zavodach «MAV», Lidskim łakafarbavym zavodzie, Bresckim zavodzie bytavoj chimii i mnohich inšych, śćviardžaje śpiecyjalist.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary