14 vieraśnia, u Dzień horada, u Muziei Azhura projdzie adkrytaja dyskusija «Kultura pamiaci i jaje skulpturnaje ŭvasableńnie ŭ haradskoj prastory»
Paźbiahajecie šumnych vuličnych uračystaściaŭ na Dzień horada abo šukajecie cikavy sposab vykazać svaju nieabyjakavaść da Minska? Jość alternatyva! Kampanija «Budźma biełarusami!» i Miemaryjalny muziej Z. Azhura zaprašajuć na paznavalnuju i nie mienš vidoviščnuju adkrytuju dyskusiju «Kultura pamiaci i jaje skulpturnaje ŭvasableńnie ŭ haradskoj prastory».
Ustalavanyja apošnim časam u Biełarusi pomniki śviedčać pra peŭnaje pieraasensavańnie histaryčnych i kulturnych kaštoŭnaściaŭ dla krainy: akramia zvykłaj užo haradskoj skulptury źjaviŭsia miemaryjał, pryśviečany źniesienaj Fary Vitaŭta ŭ Harodni, pomnik Alhierdu ŭ Viciebsku, pačałosia stvareńnie miemaryjalnaha kompleksu ŭ Traściancy, šerah ža pomnikaŭ Leninu demantavany abo pieraniesieny.
Jak bačać hetuju tendencyju admysłoŭcy ŭ paraŭnańni, z adnoaho boku, sa zvykłymi dla Biełarusi padychodami da miemaryjalizacyi haradskoj prastory, a ź inšaha – z aktualnym dośviedam inšych krain? Jakija mastactvaznaŭčyja, sacyjalna-kulturnyja kanflikty zdarajucca vakoł kultury pamiaci i jak ich varta vyrašać? Što ŭvohule možna ličyć našaj kulturaj pamiaci i jak jana ŭtvarajecca? Voś hałoŭnyja pytańni sustrečy.
U prahramie:
1. Kanstancin Mužaŭ, skulptar, pierformier, siabra Sajuza dyzajnieraŭ Biełarusi: «Sensy i sutnaść haradskoj skulptury. Ci mahčymyja źmieny?»;
2. Źmicier Marozaŭ, praktykujučy hid, namieśnik dyrektara AAT «BiełAhraTrevał», mahistr pa achovie historyka-kulturnaj spadčyny i turyźmie: «Turysty ŭ haradach: adčužeńnie pamiaci vs pryvatyzacyja pamiaci»;
3. Ściapan Sturejka, kulturny antrapołah, vykładčyk EHU: «Sietkavyja manumienty – ad nazirańnia da ŭdziełu»;
4. Alena Kreń, kulturołah, staršy navukovy supracoŭnik Miemaryjalnaha muzieja-majsterni Z. I. Azhura: «Muziej u horadzie/Muziej biez horada: ci možna ciapier aktualizavać spadčynu Zaira Azhura?»
Da ŭdziełu zaprašajucca zacikaŭlenyja ekśpierty ź liku skulptaraŭ, muziejnych supracoŭnikaŭ, admysłoŭcaŭ u pytańniach daśledavańniaŭ kultury pamiaci i miemaryjalnych miaścinaŭ, achovy kulturnych kaštoŭnaściaŭ.
Jak zaŭsiody, udzieł u dyskusii voźmuć aŭtarytetnyja ekśpierty, siarod jakich skulptary, architektary, urbanisty i historyki.
Data: 14 vieraśnia.
Miesca: Miemaryjalny muziej-majsternia Z. Azhura, vuł. Z. Azhura, 8. Jak dabracca.
Pačatak: 15:00.
Uvachod volny!
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?2
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary