Pałkoŭnik rasijskich śpiecsłužbaŭ Ihar Hirkin admoviŭsia ŭziać uziać u Ruskim maršy ŭ Maskvie. Demanstracyja nacyjanalistaŭ pad takoj nazvaj štohod adbyvajecca ŭ listapadzie, kala Rasija adznačaje dzień vyzvaleńnia Maskvy ad polska-biełaruskich vojskaŭ u XVII stahodździ.
«Ja budu ŭsialak paźbiahać udziełu ŭ mierapryjemstvach, jakija mohuć być skiravany na padtrymku dziaržaŭnaha pieravarotu, — cytujuć Strałkova rasijskija sajty. — Arhanizatary maršu, miarkujučy pa ŭsim, nie zachacieli zacuhlać svaje palityčnyja ambicyi i zamiest padtrymki Navarosii praciahvali zajmacca zvyčajnaj fihnioj», — zajaviŭ Strałkoŭ.
«Dziaržaŭnym pieravarotam» rasijskaja prapahanda nazyvaje adchileńnie ad ułady karumpavanaha režymu Janukoviča, jakoha padtrymlivali rasijskija śpiecsłužby. Administracyja Pucina baicca anałahičnych padziej u Rasii, dzie ŭładu taksama niaźmienna trymaje hrupoŭka vychadcaŭ sa śpiecsłužbaŭ, što zrasłasia z aliharchičnym kapitałam.
4 listapada ŭ Rasii — nacyjanalnaje śviata, vychadny dzień. U pačatku listapada 1612 hoda rasijskaje apałčeńnie na čale ź Mininym i Pažarskim asadziła Kreml, u jakim znachodziŭsia polska-biełaruski harnizon, i prymusiła jaho kapitulavać.
Hirkin, viadomy pad mianuškaj Strałkoŭ, uznačaliŭ rasijski šturmavy atrad, jaki zachapiŭ ukrainski horad Słaviansk u krasaviku 2014 hoda. Heta byŭ sihnał dla prarasijskich miaciežnikaŭ Danbasa, ź jakoha pačałasia kryvavaja vajna, što zabrała žyćci bolš jak 4000 čałaviek z abodvuch bakoŭ.
Paśla padziej u Danbasie Hirkin (Strałkoŭ) staŭ kumiram rasijskich nacyjanalistaŭ. Bajučysia rostu jaho papularnaści, Kreml adchiliŭ jaho ad kiraŭnictva bajevikami Danbasa, zamianiŭ na elektryka Zacharčanku, jaki i staŭ časovym kiraŭnikom DNR.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy5
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary