Druhi muzyčny fiestyval «Hučać staradaŭnija arhany Pastaŭščyny» prachodzić u rehijonie 8-9 listapada, paviedamili ŭ rajvykankamie.
Pieršy fiestyval arhannaj muzyki ŭ Pastavach adbyŭsia ŭ kastryčniku minułaha hoda. I ŭ hetym hodzie na śviata zaprošany adzin ź jaho inicyjataraŭ, uradženiec Pastaŭskaha rajona, były namieśnik ministra kultury Biełarusi Tadevuš Stružecki. Fiestyval adkryvajecca siońnia kancertam arhannaj muzyki ŭ kaściole Śviatoha Antonija Paduanskaha Biezzahannaha Začaćcia Najśviaciejšaj Panny Maryi ŭ Pastavach. Tut ža na nastupny dzień adbudziecca zakryćcio. U cełym fiestyval zachavaje kamierny farmat, na praciahu dvuch dzion kancerty projduć u kaściołach u Pastavach, vioscy Łučaj, ahraharadkach Łyntupy i Kamai. U apošnim, darečy, znachodzicca 100-hadovy orhan.
Słuchačoŭ čakaje vystup salista Biełaruskaj dziaržaŭnaj fiłarmonii, narodnaha artysta Biełarusi, łaŭreata mižnarodnych konkursaŭ Ihara Ałoŭnikava. Taksama ŭ kancertach udzielničajuć vykładčyk Minskaha dziaržaŭnaha kaledža mastactvaŭ, łaŭreat mižnarodnych konkursaŭ Kaciaryna Mikałajeva, vykładčyk Biełaruskaj dziaržaŭnaj akademii muzyki, łaŭreat mižnarodnych konkursaŭ Volha Padhajskaja, łaŭreat mižnarodnych konkursaŭ Vital Darašuk.
Viadučaja — dacent Biełaruskaj dziaržaŭnaj akademii muzyki Volha Savickaja. Arhanizataram vystupaje rajvykankam pry padtrymcy Biełaruskaj dziaržaŭnaj fiłarmonii, parafii kaścioła Śviatoha Antonija Paduanskaha.
Kamientary