Z 8 červienia ŭ polskich vizavych centrach źmianiajecca paradak zapisu na padaču dakumientaŭ. Dla ŭsich katehoryj zajaŭnikaŭ i ŭsich typaŭ viz budzie ŭviedzieny vieryfikavany list čakańnia, paviedamlaje visa.vfsglobal.by.
Paśla prachodžańnia ŭsich nieabchodnych etapaŭ rehistracyi zajaŭnik bolš nie budzie adrazu vybirać datu padačy dakumientaŭ. Zamiest hetaha jaho ŭklučać u śpis čakańnia dla atrymańnia svabodnaha słota.
Pry hetym bieź źmienaŭ zastajucca asnoŭnyja etapy pracedury:
- stvareńnie i aktyvacyja ŭlikovaha zapisu;
- vybar vizavaha centra, katehoryi i padkatehoryi vizy;
- zahruzka fatahrafii pašparta i aŭtamatyčnaje zapaŭnieńnie danych;
- prachodžańnie pravierki asoby.
Paśla paśpiachovaj vieryfikacyi zajaŭka budzie dadadziena ŭ śpis čakańnia. Zajaŭnik atrymaje elektronny list z paćviardžeńniem i rehistracyjnym numaram.
Kali źjaviacca svabodnyja miescy dla padačy dakumientaŭ, na elektronnuju poštu pryjdzie paviedamleńnie z mahčymaściu zabraniravać datu i čas vizitu.
Na braniravańnie budzie adviedziena 48 hadzin. Kali za hety čas słot nie budzie vybrany, zajaŭku vydalać sa śpisu čakańnia.
Taksama paviedamlajecca, što pry źniknieńni nieabchodnaści ŭ padačy dakumientaŭ zajaŭnik moža samastojna admianić svaju rehistracyju ŭ śpisie čakańnia praz asabisty kabiniet u sistemie VFS.
Pasolstva Polščy ŭ Minsku źmianiła paradak padačy zajavy na vizu pa karcie palaka
Polskija vizavyja centry zapuścili mabilny dadatak dla padačy zajavy na vizu
«Paśla piacihadovaj vizy dali na try miesiacy». Jak biełarusy ciapier atrymlivajuć šenhien
Pasolstva Italii ŭ Minsku pamianiała vizavaha apieratara
Kamientary