Marski bieśpiłotnik siońnia ranicaj vybuchnuŭ u porcie Kanstancy ŭ Rumynii. Heta adbyłosia kala štab-kvatery Rumynskaha ahienctva pa vyratavańni na mory.
«Marski bieśpiłotnik adnosicca da taho typu, jaki vykarystoŭvajecca ŭ vajnie va Ukrainie. Chaciełasia b adznačyć, što hety abjekt nie ŭvachodzić u skład uzbrajeńnia rumynskaj armii i nie ŭdzielničaŭ u niadaŭnich vučeńniach, arhanizavanych Ministerstvam nacyjanalnaj abarony ŭ rajonie Čornaha mora», — havorycca ŭ zajavie Minabarony Rumynii.
Bieśpiłotnik byŭ vyjaŭleny siońnia ranicaj. Paźniej jon vybuchnuŭ. Nichto nie paciarpieŭ. Terytoryja ačeplena. Port evakujavany.
Nahadajem, što na minułym tydni rasijski bieśpiłotnik upaŭ i ŭzarvaŭsia na dach doma ŭ rumynskim Hałacy. U toj ža dzień MZS Rumynii zajaviła, što zakryvaje rasijskaje konsulstva ŭ Kanstancy.
Kamientary