Mastackaja halereja «Šostaja linija» viartajecca

«Šostaja linija» — adna ź pieršych i najbolš papularnych u Biełarusi niekamiercyjnych halerej sučasnaha mastactva, jakaja praisnavała ŭ Minsku z 1992 pa 1998 hod pa adrasie: vulica Jakuba Kołasa, 14 (9-y korpus BDPA).

Za šeść hadoŭ bolš čym 60 mastakoŭ ź Biełarusi, Hiermanii, Polščy i ZŠA praviali ŭ halerei 50 vystavaŭ, mastackich akcyj i pierformansaŭ, jakija niaźmienna pryciahvali vialikuju cikavaść hledačoŭ i ŚMI.

«Šostaja linija» pakazała biełaruskamu hledaču novyja formy sučasnych mastackich praktyk i stała najbujniejšaj placoŭkaj ekśpierymientalnaha mastactva ŭ Biełarusi. Halereja mieła prafiesijnaje kuratarstva. Instytut Hiote ładziŭ svaje pieršyja vystavy mienavita na «Šostaj linii».

Z 13 listapada pa 13 śniežnia 2014 hoda ŭ Miensku adbudziecca vystava i mižnarodny forum biełaruskich mastakoŭ «Suma Sumarum». Heta pieršy prajekt lehiendarnaj halerei «Šostaja linija» paśla paŭzy ŭ 16 hadoŭ.

U vystavačnym prajekcie «Suma Sumarum» voźmuć udzieł bolš za 20 mastakoŭ ź Biełarusi, Rasii, Hiermanii, Niderłandaŭ, Bielhii, jakija supracoŭničali z halerejaj «Šostaja linija» ŭ 1990-ch. Aŭtary pakažuć svaje pracy, jakija raniej nie demanstravalisia ŭ Biełarusi. U ramkach prajekta ŭ minskich hledačoŭ budzie ŭnikalnaja mahčymaść nie tolki ŭbačyć raboty mastakoŭ, ale i paznajomicca ź imi asabista, zadać svaje pytańni padčas lekcyj i dyskusij.

Prajekt «Suma Sumarum» budzie pradstaŭleny na dźviuch minskich placoŭkach: u Muziei sučasnaha vyjaŭlenčaha mastactva (MSVM, pr-t Niezaležnaści, 47) i ŭ Centry sučasnych mastactvaŭ (CSM, vuł. Niakrasava, 3).

Prahrama mierapryjemstvaŭ:

12 listapada (sierada), 16.00, MSVM. Pres-kanfierencyja dla ŚMI. Akredytacyja: mab. 637-95-13.

12 listapada, 17.00, MSVM. Adkryćcio prajekta. Pierformans Ihara Kaškureviča (Bierlin). Uvachod pa zaprašeńniach i zapisie ŭ FB. https://www.facebook.com/events/821038754607073/

12 listapada, 19.00, CSM. Adkryćcio prajekta, after-party. Pierformansy Siarhieja Ždanoviča (Minsk), Maksima Tymińko (Amsterdam). Uvachod volny.

13 listapada (čaćvier), 16.00, MSVM. Kruhły stoł «Pryniaćcie rašeńnia. Vybar alternatyŭ» na prykładzie historyi halerei «Šostaja linija».

13 listapada (čaćvier), 19.00, MSVM. «Šostaja linija»: ekanomika, supolnaść i hieahrafija minskich halerej 1990-ch.

14 listapada (piatnica), 16.00, MSVM. Sustreča z mastakom Iharam Kaškurevičam (Bierlin).

14 listapada (piatnica), 19.00, CSM. Tvorčaja sustreča z mastakom Maksimam Tymińko na temu: «Jak zabić reštki vašaha viečara 14 listapada 2014 h.. Viartańnie žyvych mierćviakoŭ».

15 listapada (subota), 17.00, CSM. Opiera-dakład Maksima Tymińko «Prajektar». Opiera-dakład u adnoj dziei. Pa matyvach prajekta «Bolek i Lolek Kosmas. Manifiest kanstruktara». Sumiesna ź Instytutam imia Hiote ŭ Minsku.

17 listapada (paniadziełak), 15.00, MSVM. Kinapakaz archiŭnych telepieradač 90-ch: «Šostaja linija» ŭ ŚMI.

18 listapada (aŭtorak), 17.00, MSVM. Sustreča z mastakom Viktaram Piatrovym.

20 listapada (čaćvier), 17.00, CSM. Sustreča ź Cimafiejem Izotavym (Maskva). Prezientacyja pieršaj knihi mastaka «Abduł Tolik» i aŭtohraf-siesija.

21 listapada (piatnica), 17.00, CSM. Sustreča z mastakom Iharam Cišynym (Brusel).

30 listapada (niadziela), 19.00, CSM. Pakaz i abmierkavańnie archiŭnaha videa «Tydzień pierformansu na «Šostaj linii». 1997».

5 śniežnia (piatnica), 17.00, MSVM. Sustreča z mastakom Andrejem Varabjovym.

8 śniežnia (paniadziełak), 18.00, MSVM. Lekcyja «Valuntaryscki mietanaratyŭ»: dyskurs archiva ŭ sučasnym mastactvie». Alaksiej Barysionak (daśledčyk, krytyk).

9 śniežnia (aŭtorak), 17.00, CSM. «Znojdziena ŭ archivach». Premjera dakumientalnaha filma (aŭtar U. Siamaška, 1996 hod) pra fatohrafa Ihara Saŭčanku. Sustreča z aŭtaram i hierojem filma.

11 śniežnia (čaćvier), 17.00, MSVM. Sustreča z mastakom Arturam Klinavym.

12 śniežnia (piatnica), 19.00, MSVM. Lekcyja «Inšyja mastactvy»: prablema imia i miežy nieaficyjnaj biełaruskaj mastackaj sceny». Tania Siacko (art-krytyk, daśledčyca).

13 śniežnia (subota), 17.00, MSVM. Kruhły stoł. Padviadzieńnie vynikaŭ prajekta, płany na budučyniu.

• 0
• 0
• 0
• 0
• 0
• 0
• 0
• 0