Chłopiec, jaki skinuŭ 70 kh, staŭ zorkaj JUTuba, pakazaŭšy abvisłuju skuru, jakoj pierastaŭ saromiecca VIDEA
21-hadovy chłopiec z Kalifornii Džon Devid Hłod važyŭ 170 kh, a zorkaj jaho zrabiła ščyraść.
Mnohija skidajuć vahu. (Praŭda, niamnohim udajecca skinuć až 70 kiłahramaŭ.) Ale mała chto nastolki ščyra pakazvaje svajo cieła paśla pachudzieńnia.
Kali Džon u majcy, jon kruty. Ale varta jamu źniać sakołku, jak pakazvajecca abvisłaja skura. Jana raściahnułasia, i jaje nie prybiareš.
«Kali ja apranuty, ja adčuvaju siabie dobra. Ale i raździetym ja siabie nie pačuvaju nie tak užo i niekamfortna», — raskazvaje Hłod.
Hłod raździajecca pierad kamieraj, i vidna abvisłaja skura pad nakačanymi ciapier hrudziami, unizie žyvata, pad pachami.
Abvisańnie skury — typovaje nastupstva pachudańnia. Choć jano i niepryhoža, ale ŭsio adno dla zdaroŭja lepš schudnieć!
Hłod raskazvaje, što stracić vahu psichałahična našmat ciažej, čym toje raskazvajuć jarkija rekłamy dyjet i «spalvańnia tłuščoŭ». I chłopiec padkuplaje svajoj čysta amierykanskaj pazityŭnaściu: «Ja zrabiŭ hetaje videa, bo ja dahetul nie mahu prymirycca da kanca, z tym, što vyjšła. Ja chacieŭ mieć daskanałaje cieła, ale heta nie moj vypadak. Nu i norm! Ja hanarusia tym, ad čaho da čaho ja pryjšoŭ i čym ja staŭ!» — kaža jon, choć jahony hołas časam zryvajecca ad chvalavańnia.
Pahladzicie videa i acanicie dasiahnutaje pacanom.
Kamientary