Hurt z Bresta spravić jubilej u kłubie «Piraty» 5 śniežnia. Admysłova da hetaj padziei Minsk naviedaje hurt «Rolliks» z Ukrainy.
Da budučaha kancertu muzyki z hurtu Sciana rychtujucca z usioj adkaznaściu.
«Dla nas hety vystup nadzvyčaj važny, bo padvodzić rysu pad cełaj epochaj u našaj historyi», — kažuć bieraściejcy. Admysłova da kancertu z nahody 15-hodździa jany repietujuć pieśni roznych hod. Niekatoryja ź ich nie hralisia dziesiać i bolš hod. Sciana choča zrabić miks z starych i novych trekaŭ dy prajścisia pa ŭsioj svajoj historyi, zhadać rarytetnyja albomy «Subjektyvizm» i «Rulet», pieršy poŭnafarmatnik «Ryfy losaŭ», pieramohu na paleskim rok-feście «Krok» dy na «Basoviščy», furor na konkursie «Henierały ajčynnaha roku», jaskravy kaver «Ja jedu» dla trybjutu N.R.M., pieršy klip na «Možna być», niepaŭtornuju «Viasna.by», tryjumf na polskim feście «Rok-noč», tury pa Polščy dy Ŭkrainie, apošnija albomy «Kropka viartańnia» i «My zastaniemsia» urešcie rešt.
«My praciahvajem pracavać, pišam novyja pieśni i šmat hastralujem, časam nasupierak niespryjalnym žyćciovym abstavinam.
Bo rok-n-roł — heta ruch, i my taksama ruchajemsia napierad. Tamu što ŭpeŭnienyja, što samaje cikavaje jašče za linijaj haryzontu», – kažuć muzyki i zaprašajuć usich svaich prychilnikaŭ 5 śniežnia ŭ «Piraty».
Haściami kancertu budzie hurt TerraKod ź Bieraścia, jaki nieadjemna źviazany z «Ścianoju». Z Chiersona pryjedzie pavinšavać svaich daŭnich siabroŭ hurt «Rolliks», jaki syhraje set z svaich samych značnych piesień.
Kancert prachodzić u miežach akcyi «Žyvy Tuzin», jakuju čaćviorty sezon zapar ładziać partał Tuzin.fm z partnerami z hramadzkaj kampanii «Budźma biełarusami!». U jakaści viadučaha kancertu debiutuje paet Vital Ryžkoŭ.
5 śniežnia. 19.00. Kłub «Piraty» (pr.Partyzanski, 6a).
Kab nie płacić padatak na sabak, minčuki pačali zdavać ich u punkty adłovu25
Kamientary