Ruski nacyjanalist Aviarjanaŭ-Minski śćviardžaje, što jaho pazbavili biełaruskaha hramadzianstva i zabaranili ŭjezd u Biełaruś
«Niekalki miesiacaŭ, jak ja nie mahu pryjechać u rodnuju Biełarusiju. A nie mahu tamu, što chtości napisaŭ na mianie danos u KDB, jak na dyviersanta i pravakatara. Ciapier situacyja z maim hramadzianstvam takaja ž, jak u Paŭła Šaramieta», — napisaŭ Kirył Aviarjanaŭ-Minski žurnalistu «Našaj Nivy». Paviedamić bolš infarmacyi jon admoviŭsia.
Viadoma, što ŭ svoj čas Paŭła Šaramieta pazbavili biełaruskaha hramadzianstva praz «atrymańnie im rasijskaha».
Kirył Aviarjanaŭ-Minski vystupaŭ z praimpierskimi publikacyjami na rasijskim radykalnym partale «Sputnik i pohrom», hałoŭny redaktar jakoha niadaŭna zaklikaŭ źniščyć Biełaruś, Ukrainu i Kachastan.
Aviarjanaŭ-Minski pazicyjanuje siabie jak historyka i znaŭca Biełarusi. U svaich artykułach jon pravodzić ideju, što biełarusy — štučnaja nacyja sa štučnaj kulturaj i movaj, pamyłkova adarvanaja ad «ruskaha śvietu». Taksama publicyst nie adnojčy nazyvaŭ Łukašenku «zdradnikam intaresaŭ Rasii».
U KDB kamientavać hetuju situacyju admovilisia, a ŭ MZS spasłalisia na zabaronu ahučvańnia śpisaŭ «nieŭjaznych».
Viadoma, što pry kancy minułaha hoda adzin z aktyvistaŭ Abjadnanaj hramadzianskaj partyi źviartaŭsia ŭ kampietentnyja orhany z prośbaju pravieryć «tvorčaść» Aviarjanava-Minskaha na najaŭnaść pahrozaŭ dziaržaŭnaj biaśpiecy Biełarusi. Zhodna z adkazam na zvarot, tady ekśpiertyza prajšła biezvynikova.
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB1
Kamientary