Kiraŭnik Administracyi prezidenta Alaksandr Kosiniec vykazaŭsia nakont hučnych zatrymańniaŭ, jakija abmiarkoŭvalisia na apošniaj pres-kanfierencyi Alaksandra Łukašenki. Kosiniec adznačyŭ, što zatrymańnia hramadzian kala francuzskaj ambasady padčas akcyi salidarnaści z Charlie Hebdo nie było, a ciapier niama i nijakich sudovych pazovaŭ, pieradaje telekanał STV.
Nakont zatrymańnia ŭdzielnikaŭ praŭkrainskaj akcyi Kosiniec zajaviŭ, što tam hučali zakliki da vuličnych pratestaŭ: «Stali hučać lozunhi: pojdziem na płošču, davajcie biełaruski majdan… Pra jaki majdan moža iści havorka? Siońnia va ŭsim śviecie heta transfarmujecca jak zaklik da niejkich uzbrojenych dziejańniaŭ, sutyknieńniaŭ. U nas nijakich majdanaŭ nie budzie», — dakazvaje Kosiniec.
Nahadajem, što 22 studzienia kala pomnika Tarasu Šaŭčenku byli zatrymanyja kala 10 čałaviek, što praviali akcyju pamiaci Michała Žyźnieŭskaha.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam22
Kamientary