Žychar Biełarusi paviedamlaje ŭ Tvitary, što terakty ŭ Charkavie pradoŭžacca
Zajavu pra toje, što terakty ŭ Charkavie pradoŭžacca, raźmiaściŭ u Tvitary žychar Biełarusi, prychilnik rasijskich nieaimpierskich pohladaŭ Siarhiej Čyž. Jon źmiaściŭ voś taki tvit:
Vybuch va ŭschodnieŭkrainskim horadzie Charkaŭ adbyŭsia 22 lutaha ŭ časie «Marša adzinstva» — šeścia patryjatyčna nastrojenych hramadzianskich aktyvistaŭ.
Vybuchovaja pryłada z dystancyjnym kiravańniem, imavierna, była zakładzienaja zahadzia i pryviedziena ŭ dziejańnie ŭ toj momant, kali demanstranty padyšli da jaje. Siarod paciarpiełych akazalisia i vajskoŭcy i charkaŭskaha bataljona terytaryjalnaj abarony, što dałučylisia da manifiestacyi.
Siarod achviaraŭ — lidar charkaŭskich vałancioraŭ, što dapamahali frontu, Ihar Tałmačoŭ.
Raniej adkaznaść za terakt uziała na siabie adna z rasijskich ekstremisckich arhanizacyj.
Heta nie pieršy vybuch u Charkavie, ale samy kryvavy.
Charkaŭ znachodzicca za 40 kiłamietraŭ ad rasijskaj miažy. Uviesnu 2014 hoda Rasija sprabavała arhanizavać i «Charkaŭskuju narodnuju respubliku». Rasijskija šturmaviki navat zachoplivali abłasnuju administracyju, adnak, u adroźnieńnie ad Daniecka j Łuhanska, ukrainskim uładam udałosia ŭziać situacyju ŭ horadzie pad kantrol.
Kamientary