25 lutaha na scenie Nacyjanalnaha teatra Finlandyi adbudziecca premjera pjesy viadomaj finskaj piśmieńnicy i dramaturha Pirka Sajsia pad nazvaj «Słava - Kunnia!» Tematykaj pjesy stała Rasija - i ŭłada, piša yle.fi.
Sama Sajsia — aŭtar mnostva ramanaŭ i pjes, aktrysa, režysior i vialiki prychilnik ruskaj kultury i ŭ pryvatnaści litaratury. Baćka prytrymlivaŭsia kamunistyčnych pohladaŭ i ŭsio žyćcio prapracavaŭ u Tavarystvie družby «Finlandyja — Saviecki Sajuz». Sama piśmieńnica ŭvachodzić va ŭpraŭleńnie Tavarystva ruskaj litaratury, jakoje zajmajecca pierakładami sučasnaj rasijskaj prozy na finskuju movu i arhanizuje kulturnyja padziei, źviazanyja z ruskaj litaraturaj.
U asnovie siužetu «Słavy» lažać viečnyja temy — ułada, zdrada i luboŭ.
— Mianie zacikaviła, čamu dyktatura addaje pieravahu rolevym hulniam i stvaraje iłžyvuju identyčnaść, - kaža Sajsia.
Na scenu vychodziać hieroi, pratatypy jakich hladač paznaje biez namahańniaŭ, takija, jak zahadkavy biezabličny Vałodzia, bieznazoŭny piersanaž, jaki paradyruje adrazu niekalkich paŭnočnakarejskich lidaraŭ, a taksama premjer čužackaj krainy Julija Ce.
Niahledziačy na toje, što ŭ pjesie prasočvajucca paraleli ź biahučym kanfliktam pamiž Rasijaj i Ukrainaj, pa słovach aŭtara, pjesa, skončanaja za niekalki miesiacaŭ da padziej u Krymie, nabyła palityčnaje adcieńnie vypadkova.
«Na dadzieny momant pjesa vyhladaje jak sproba paznačyć svaju pazicyju, i, pazicyja heta takaja, što ŭsie my žadajem miru», — kaža Sajsia.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Juraś Ziankovič raskazaŭ pra svajo vyzvaleńnie i šlach u ZŠA6
Kamientary