U Słuckim rajonie čałaviek zahinuŭ pry sutyknieńni lehkavika z hruzavikom
Trahiedyja zdaryłasia 31 śniežnia kala 12:15 na aŭtadarozie R-43 «Kryčaŭ — Babrujsk — Ivacevičy», na pavarocie da vioski Niaviazcy Słuckaha rajona.
31‑hadovy kiroŭca aŭtamabila Honda Accord, jaki nie mieŭ prava na kiravańnie aŭto, ruchaŭsia ŭ bok Słucka. Jon nie prytrymlivaŭsia biaśpiečnaj dystancyi i ŭ vyniku sutyknuŭsia ź ciahačom MAZ z paŭpryčepam Kögel, jaki spyniŭsia na skryžavańni. Hruzavikom kiravaŭ 53‑hadovy vadziciel, jaki źbiraŭsia pavaročvać naleva.
U vyniku DTZ 58‑hadovy pasažyr Honda zahinuŭ na miescy, a kiroŭca dastaŭleny ŭ balnicu.
Pravodzicca pravierka pa fakcie zdareńnia.
Kamientary