Z dvaccaci ŭznaharod «kiraŭnika niomanskich kazakoŭ» Adamava niama nivodnaj bajavoj
«Dziŭny, vielmi dziŭny nabor miedaloŭ», — kamientuje major zapasu Źmicier Zacharevič.
Ikanastas miedaloŭ kiraŭnika «Niomanskaha kazactva» Uładzimira Adamava źviartaje ŭvahu. Što za adznaki bliščać na sinim mundziry z załatymi huzikami z vyjavami dvuchhałovaha arła? Dzie małady jašče mužčyna ich zasłužyŭ?
Jak daviedaŭsia karespandent «Našaj Nivy», Adamaŭ kiruje prarasijskaj kazackaj strukturaj i arhanizuje fiestyvali słavianskich adzinaborstvaŭ u Hrodnie.
My pasprabavali identyfikavać uznaharody Adamava i atrymali takuju karcinu (na fota miedali paznačanyja numarami):
1. Parodyja na hieorhijeŭski kryž, najchutčej, kazackaje vykanańnie.
2. Miedal «90 hadoŭ Savieckaj armii», Kampartyja Rasii. Vyhladam paŭtaraje saviecki orden Čyrvonaha ściaha.
3. Jubilejny miedal «20 hadoŭ vyvadu savieckich vojskaŭ z Afhanistana».
4. Jubilejny miedal «60 hadoŭ pieramohi ŭ Vialikaj Ajčynnaj vajnie 1941—1945».
5. Miedal «Za zasłuhi», Biełaruski sajuz vieteranaŭ vajny ŭ Afhanistanie.
6. Jubilejny miedal «65 hadoŭ vyzvaleńnia Respubliki Biełaruś ad niamiecka-fašysckich zachopnikaŭ».
7. Miedal «Za viernaść bajavomu tavarystvu». Asacyjacyja «Afhancy Čarnobyla», Ukraina.
8. Miedal «Ataman Jarmak». Sibirskaje Kazačaje vojska, Rasija.
9. Miedal «Słužyć i abaraniać», fizkulturna-spartovaje tavarystva «Dynama».
10. Miedal «20 hadoŭ Biełaruskaha sajuza aficeraŭ».
11. Miedal Biełaruskaha Słavianskaha Kamiteta.
12. Miedal «Za zasłuhi», Biełaruski sajuz vieteranaŭ vajny ŭ Afhanistanie (?).
13. Jubilejny miedal «70 hod vyzvaleńnia Respubliki Biełaruś ad niamiecka-fašysckich zachopnikaŭ».
14. Miedal «Afhanistan. 25 hadoŭ».
15. Znak «20 hadoŭ Biełaruskamu sajuzu vieteranaŭ vajny ŭ Afhanistanie».
16. Znak «Vydatnik VPS».
17. Armiejski znak «Hvardyja», SSSR.
18. Spartovy znak.
19. Znak «Vijśko zaporoźkie nizovie», Ukraina.
20. Znak «Biełaruski sajuz aficeraŭ».
Jak my bačym, bolšaść miedaloŭ albo biełaruskija jubilejnyja, albo vydadzienyja Sajuzam aficeraŭ dy Biełaruskim sajuzam vieteranaŭ-afhancaŭ. Asobnaja katehoryja — znaki i miedali kazackich tavarystvaŭ, jakija nie adpaviadajuć anijakim normam, štampujucca vydajucca ŭ nieabmiežavanych kolkaściach. Siarod kazakoŭ znakam dobraha tonu daŭno stała ŭznaharodžvać adzin adnaho psieŭda-kryžami dy miedalami. Anivodnaha bajavoha miedala my nie bačym…
My spytalisia majora zapasu orhanaŭ pamiežnaj słužby Źmitra Zachareviča, u kaho z vajskoŭcaŭ moža być taki nabor miedaloŭ.
«Heta nie aficer, — skazaŭ Zacharevič. — Aficery «Otličnikom VVS» nie ŭznaharodžvalisia, nie «čarnobylec»… Sajuzy aficeraŭ i «afhancaŭ» — heta arhanizacyi peŭnaj nakiravanaści. Ale nakont «afhanskich» uznaharod u mianie vialikija-vialikija sumnievy…
Ja nie baču ŭ hetaha čałavieka ŭznaharod, jakija vydavalisia sapraŭdnym «afhancam» pa vyvadzie z Demakratyčnaj Respubliki Afhanistan. Sa mnoj słužyli prapary, jakija byli ŭ DRA padčas terminovaj słužby. Va ŭsich jość uznaharody «Voinu-intiernacionalistu» i «Ot błahodarnoho afhanskoho naroda». Heta standartnyja ŭznaharody, jakija davalisia absalutna ŭsim.
Hety ž čałaviek viarnuŭsia sa znakami «Hvardija» i «Otličnik VVS», ale kim jon byŭ u VPS? Znakaŭ za skački z parašutam u jaho nie baču… moža kiroŭcam jakim? Dziŭny, vielmi dziŭny nabor miedaloŭ», — padsumoŭvaje Źmicier Zacharevič.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka4
Kamientary