Mininfarmacyi: Heta nie papiaredžańni, heta tolki infarmacyjnyja listy
U viedamstvie prakamientavali fakty atrymańnia niekatorymi internet-redakcyjami «papiaredžańniaŭ».
U siaredzinie maja listy ź Ministerstva infarmacyi atrymali adrazu niekalki viadomych internet-resursaŭ. Siarod ich sajt radyjostancyi «Radyjo Racyja», muzyčny partał «Tuzin.fm», sajt Abjadnanaj hramadzianskaj partyi.
U internecie pajšła pahałoska ab papiaredžańniach, jakija nibyta atrymlivajuć infarmacyjnyja resursy.
Jak raskazali Jeŭraradyjo ŭ pravavym adździele Mininfarmacyi, heta nie tak:
«Dakumienty, atrymanyja nazvanymi vami sajtami, nie źjaŭlajucca papiaredžańniami. Heta infarmacyjnyja listy ab niedapuščalnaści parušeńniaŭ zakanadaŭstva.
My nie možam pakul nazvać vam pryčyny taho, čamu ich vyrašyli dasłać mienavita ŭ takija redakcyi. Ministerstva infarmacyi ciapier zajmajecca składańniem bazy ŭładalnikaŭ sajtaŭ», — paviedamili ŭ Mininfarmie.
Paśla ŭviadzieńnia źmienaŭ u zakon «Ab srodkach masavaj infarmacyi» ŭ Biełarusi dostup da luboha infarmacyjnaha internet-sajta možna zakryć za dva i bolš papiaredžańniaŭ, atrymanych na praciahu hoda.
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Kamientary