Izrailski vajskoviec kuvałdaj kryšyŭ statuju Isusa Chrysta na poŭdni Livana
Premjer-ministr Izraila ŭ vyniku vybačyŭsia za heta.
U siecivie razyšłosia fota, na jakim izrailski sałdat bje kuvałdaj pa statui Isusa Chrysta ŭ paŭdniovym Livanie. Statuja znachodziłasia kala pryvatnaha doma na ŭskrainie vioski Debiel, dzie jašče zastavalisia žychary.
Premjer-ministr Izraila Bieńjamin Nietańjachu ŭ vyniku vybačyŭsia za heta.
«Učora, jak i pieravažnaja bolšaść izrailcian, ja byŭ ašałomleny i zasmučany, daviedaŭšysia, što sałdat CACHAŁ paškodziŭ katalicki relihijny simvał u paŭdniovym Livanie. Ja asudžaju hety ŭčynak samym rašučym čynam. Vajennyja ŭłady pravodziać kryminalnaje rasśledavańnie pa hetaj spravie i prymuć adpaviednyja žorstkija dyscyplinarnyja miery ŭ dačynieńni da parušalnika», — napisaŭ Nietańjachu ŭ sacsietcy X pa-anhlijsku.
«My vykazvajem škadavańnie z nahody hetaha incydentu i za luby bol, jaki heta pryčyniła viernikam u Livanie i va ŭsim śviecie».
Ministr zamiežnych spraŭ Izraila Hideon Saar zajaviŭ: «My prynosim prabačeńni za hety incydent kožnamu chryścijaninu, čyje pačućci byli zakranuty».
Armija abarony Izraila paviedamiła, što pavodziny ich sałdata niesumiaščalnyja z tymi kaštoŭnaściami, jakija pavinny być u vajskoŭcaŭ, i da datyčnych buduć pryniaty adpaviednyja miery. Statuju abiacajuć adnavić i viarnuć na miesca.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary