Pakul jon prachodzić rehistracyju. U miedustanovach jon moža źjavicca da kanca hoda.
U Biełarusi pačaŭsia siezon ćvicieńnia — vyprabavańnie dla alerhikaŭ.
Znajści alerhien dapamahaje analiz kryvi. Jašče jość skurnyja proby. Na nievialikija drapiny nanosiać alerhieny i praz 20 chvilin aceńvajuć reakcyju. Pačyrvanieła — značyć, jość adčuvalnaść.
Jak paviedamlaje news.by, u Akademii navuk pajšli dalej. Biełaruskija navukoŭcy stvaryli bijačyp. Zamiežnyja anałahi kaštujuć plus-minus 1 tysiač rubloŭ za test. Pasłuha ź biełaruskaj raspracoŭkaj abydziecca pacyjentu na 200 rubloŭ.
Na hetym bijačypie znachodziacca drobnyja kropki, jakija ŭtrymlivajuć alerhieny. Usiaho 200 štuk. Na jaho nanosicca kroŭ pacyjenta, dadajucca inšyja nieabchodnyja reahienty. I takim čynam śpiecyjalist vyjaŭlaje patencyjnaha vinavataha ŭ prablemach.
Test biazbolny, chutki i dakładny, abiacajuć navukoŭcy. Zaraz čyp prachodzić rehistracyjnyja vyprabavańni, da kanca hoda budzie ŭviedzieny ŭ praktyku.
«My płanujem pieršym časam vykonvać dyjahnostyku tolki ŭ nas. Ale ŭ nastupnym my vielmi spadziajomsia, što dadzieny čyp my zmožam realizoŭvać u łabaratoryjach pa ŭsioj krainie. Vielmi važna: my možam mianiać śpiektr. I kali my ŭ Biełarusi paśpiachova hety čyp zapuścim u kliničnuju praktyku, to, mahčyma, my zmožam jaho taksama realizavać na ekspart. Ale dla hetaha nam nieabchodna čyp adaptavać pad kankretnuju krainu. Umoŭna pad Paŭdniovuju Amieryku. Tam budzie zusim inšy śpiektr alerhienaŭ. My heta zmožam zrabić», — skazaŭ Andrej Hančaroŭ, dyrektar Instytuta bijafiziki i kletačnaj inžynieryi NAN Biełarusi.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii6
Kamientary