Tusk: My dasiahnuli krytyčnaha punktu, na konie — budučynia Šenhiena
ES dasiahnuŭ krytyčnaha punktu ŭ sprobach vyrašyć maštabny mihracyjny kryzis. Pra heta zajaviŭ prezident Jeŭrapiejskaha savieta Donald Tusk pierad samitam ES.
«Šmat dzion ja sprabavaŭ maderavać dyskusiju (adnosna mihracyjnaha kryzisu). My dasiahnuli krytyčnaha punktu, kali treba zaviaršyć hetaje koła ŭzajemnych abvinavačvańniaŭ i nierazumieńnia», — padkreśliŭ jon.
Pa słovach Tuska, ES varta padrychtavacca da taho, što kanflikty ŭ Siryi i Iraku nie skončacca chutka, a tamu
«možna kazać pra miljony patencyjnych uciekačoŭ, jakija buduć sprabavać dabracca da Jeŭropy».
«Samaje nadzionnaje pytańnie — heta adnavić kantrol nad vonkavymi miežami. Inakš niama sensu navat kazać pra ahulnuju jeŭrapiejskuju mihracyjnuju palityku», — pierakanany prezident Jeŭrapiejskaha savieta.
«Na konie — budučynia Šenhienskaha pahadnieńnia i ahulny jeŭrapiejski duch», — padkreśliŭ jon.
Jak adznačyŭ Tusk, jon padčas samitu prapanuje lidaram krain-siabroŭ pahadzicca na karotkaterminovyja rašeńni, u pryvatnaści, pavieličeńnie dapamohi «pryfrantavym» krainam.
«Nam siońnia treba padrychtavać dakładny płan. Jon pavinien stać na miesca chaosu, jaki my bačyli na praciahu apošnich tydniaŭ», — padkreśliŭ Tusk.
Jak viadoma, ministry ŭnutranych spraŭ ES pryniali rašeńnie ab pieraraźmierkavańni 120 tysiač biežancaŭ pamiž krainami-siabrami pieravažnaj bolšaściu. Pry hetym Čechija, Słavakija, Vienhryja i Rumynija hałasavali suprać.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy35
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary