Туск: Мы дасягнулі крытычнага пункту, на коне — будучыня Шэнгена
ЕС дасягнуў крытычнага пункту ў спробах вырашыць маштабны міграцыйны крызіс. Пра гэта заявіў прэзідэнт Еўрапейскага савета Дональд Туск перад самітам ЕС.
«Шмат дзён я спрабаваў мадэраваць дыскусію (адносна міграцыйнага крызісу). Мы дасягнулі крытычнага пункту, калі трэба завяршыць гэтае кола ўзаемных абвінавачванняў і неразумення», — падкрэсліў ён.
Па словах Туска, ЕС варта падрыхтавацца да таго, што канфлікты ў Сірыі і Іраку не скончацца хутка, а таму
«можна казаць пра мільёны патэнцыйных уцекачоў, якія будуць спрабаваць дабрацца да Еўропы».
«Самае надзённае пытанне — гэта аднавіць кантроль над вонкавымі межамі. Інакш няма сэнсу нават казаць пра агульную еўрапейскую міграцыйную палітыку», — перакананы прэзідэнт Еўрапейскага савета.
«На коне — будучыня Шэнгенскага пагаднення і агульны еўрапейскі дух», — падкрэсліў ён.
Як адзначыў Туск, ён падчас саміту прапануе лідарам краін-сяброў пагадзіцца на кароткатэрміновыя рашэнні, у прыватнасці, павелічэнне дапамогі «прыфрантавым» краінам.
«Нам сёння трэба падрыхтаваць дакладны план. Ён павінен стаць на месца хаосу, які мы бачылі на працягу апошніх тыдняў», — падкрэсліў Туск.
Як вядома, міністры ўнутраных спраў ЕС прынялі рашэнне аб пераразмеркаванні 120 тысяч бежанцаў паміж краінамі-сябрамі пераважнай большасцю. Пры гэтым Чэхія, Славакія, Венгрыя і Румынія галасавалі супраць.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося3
Каментары