Nieaficyjnaja infarmacyja: krainy ES damovilisia pra źniaćcio sankcyj z Łukašenki i biełaruskich čynoŭnikaŭ
«2 kastryčnika pasły krain Jeŭrapiejskaha sajuza damovilisia pra źniaćcio indyvidualnych sankcyj suprać biełaruskich hramadzian i kampanij. Źniaćcio budzie supravadžacca ŭmovami», — pra heta napisaŭ błoh B2 — Bruxelles2, jaki adsočvaje pytańni zamiežnaj palityki i palityki biaśpieki Jeŭrasajuza.
Aficyjnaj infarmacyi pra heta pakul niama.
Raniej prachodziła infarmacyja, što aficyjna sankcyi mohuć być prypynienyja z 31 kastryčnika, pry ŭmovie što ŭ časie prezidenckich vybaraŭ u Biełarusi i paśla ich nie adbudziecca represij i inšych parušeńniaŭ pravoŭ čałavieka i mižnarodnych normaŭ.
Jak miarkujecca, u sile zastaniecca embarha na pastaŭku zbroi ŭ Biełaruś, a taksama sankcyi ŭ dačynieńni da čatyroch słužbovych asob, jakija, na dumku Jeŭrasajuza, mohuć być datyčnyja da źniknieńniaŭ ludziej u Biełarusi. Havorka idzie pra Uładzimira Navumava, Viktara Šejmana, Juryja Sivakova i Dźmitryja Paŭličenku.
Što da Alaksandra Łukašenki, jahonych synoŭ i nabližanych da jaho asobaŭ, vizavyja abmiežavańni suprać ich buduć źniatyja, a aktyvy na Zachadzie razmarožanyja.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary