U apieracyi było zadziejničana 500 supracoŭnikaŭ Słužby biaśpieki Ukrainy, 50 prakuroraŭ i śledčych.
Pieratrusy prajšli ŭ ofisach struktur, źviazanych z aliharcham Kałamojskim. U pryvatnaści, uvaha śpiecsłužbaŭ była skiravanaja na partyju «Ukrop» i dabračynny fond dapamohi bajcam ATA.
Hienadzia Korbana — pravuju ruku aliharcha Kałamojskaha i byłoha namieśnika miljardera ŭ bytnaść taho kiraŭnikom Dnieprapiatroŭskaj vobłaści — padazrajuć u raskradańni srodkaŭ i ŭdziele ŭ złačynnaj hrupoŭcy.
Korban zatrymany.
«U Dnieprapiatroŭsku praź nibyta dabračynny fond dla dapamohi bajcam ATA i niezakonnyja ździełki finansavałasia pryvatnaja armija», — pra heta na bryfinhu zajaviła śpikier SBU Alena Hitlanskaja, paviedamlajuć ukrainskija ŚMI.
«U ofisach nibyta dabračynnych fondaŭ było kanfiskavana šmat zbroi. My bačym, što taksama praz hety dabračynny fond, a taksama z dapamohaj inšych niezakonnych apieracyj, finansavałasia faktyčna pryvatnaja armija, jakaja farmalna nazyvałasia asabistaj achovaj. Nie błytajcie z dobraachvotnickimi bataljonami», — zajaviła pres-sakratarka SBU.
«Heta — mienavita finansavańnie pryvatnaj armii, jakaja niezakonna vałodała zbrojaj, nie majučy na toje nijakich jurydyčnych padstaŭ», — dadała jana.
Hienadź Korban sprabavaŭ bałatavacca ŭ mery Kijeva na apošnich miascovych vybarach, ale nabraŭ tolki 2,6% hałasoŭ. Apiryščam partyi «Ukrop» zastajecca Dnieprapiatroŭskaja vobłaść, dzie raźmieščany šmatlikija pradpryjemstvy, padkantrolnyja Kałamojskamu i dzie jon raniej byŭ hubiernataram.
Aryšt Korbana aznačaje, što prezident Piatro Parašenka pry padtrymcy siłavych struktur usio macniej biare situacyju ŭ krainie pad svoj kantrol, abmiažoŭvajučy svavolu aliharchaŭ.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary