Radyja vas zaprasić 8 listapada ŭ čarhovaje Navukovaje padarožža z mastactvaznaŭcam i historykam architektury Siarhiejem Chareŭskim na lehiendarnuju Połaččynu.
Maršrut: Minsk-Połack-Navapołack-Minsk
Hetym razam naš šlach pralaža ŭ Padźvińnie, na ziemli staražytnaha Połackaha kniastva – kraj mnohich tajamnicaŭ, što zdavion pryciahvajuć da siabie ŭvahu. Ci ž jość połackija łabirynty, apisanyja ŭ povieści Vacłava Łastoŭskaha, i čym jany vabiać na pošuki mnohija pakaleńni pałačanaŭ? Dzie mahła być schavanaja słavutaja biblijateka Safijskaha sabora, jakaja b dapamahła viarnuć praŭdzivuju historyju biełarusaŭ
Dzie mahiła Śviatoha Torvalda Vandroŭnika, słavutaha skandynaŭskaha misijaniera pačatku Ch st.? I chto jašče ŭ staražytnyja časy ździajśniaŭ duchoŭny podźvih na našych ziemlach? Jakija jašče bažnicy paŭstavali ŭ staražytnym Połacku da 988 hoda?
My pahavorym pra jašče adnu z tajamncaŭ biełaruskaje identyčnaści – prahu da padarožžaŭ, žadańnie źviedać uvieś śviet. Ci chto z vas čuŭ historyju pra manacha z Połacka, padarožnika bahamolca Varsanafia? Francišak Skaryna, jaki vypraviŭsia ŭ svajo padarožža, kab spatolić nieadolnuju prahu viedaŭ. Vypusknik Połackaj jezuickaj Akademii Maksimilian Ryła, jaki ŭ 1836-1837 hh. adnym ź pieršych daśledavaŭ ruiny staražytnaha Vaviłona. I čamu tak časta zdarajecca, što vybitnyja i znanyja ŭ śviecie asoby amal nieviadomyja na svajoj Radzimie?
8 listapada 7:00 – vyjezd ź Minska. U Połacku my naviedajem adnu z najvialikšych śviatyniaŭ biełaruskaha narodu – Spasa-Jefrasińnieŭski manastyr sa Spasa-Praabraženski saboram CHII st., unikalny pomnik staražytnaj połackaj škoły dojlidstva.
Padydziem da muroŭ słavutaha Safijskaha saboru, što zaznaŭ za svaju amal tysiačahadovuju historyju mnostva samych roznych źmienaŭ, uzhadajem jahonyja raniejšyja abliččy, i kali jon staŭ takim, jakim paŭstaje pierad nami siońnia.
My abaviazkova ździejśnim špacyr pa staražytnych vulicach horadu, dzie jašče i dahetul možna adčuć nievierahodny podych roznych epoch, a taksama zazirniem na sučasnyja vulicy, dzie taksama pabačym bahata cikavostak, što dadajuć Połacku peŭnaha kałarytu. Ale ździejśnim my i padarožža ŭ časie, kali pieramiaścimsia sa staražytnaha Połacka ŭ małady Navapołack, što mieścicca zusim pobač…
Viartajemsia ŭ Minsk a 22-j hadzinie.
Kali vy ŭžo vyznačylisia adnosna svajho ŭdziełu ŭ padarožžy, to paviedamcie ab hetym, patelefanavaŭšy pa numary 8(029)180-28-38 (Śviatłana).
Kamientary