U Ministerstvie zamiežnych spraŭ Biełarusi zajavili, što ŭłady krainy viaduć aktyŭny, ale niepubličny dyjałoh z zachodnimi dziaržavami. Pra heta paviedamiŭ namieśnik ministra zamiežnych spraŭ Ihar Sakreta ŭ intervju telekanału «Pieršy infarmacyjny».
Pa słovach Ihara Sakrety, na praciahu apošniaha hoda rehularna prachodziać sustrečy z pradstaŭnikami Zachadu — jak u stalicach roznych krain, tak i na mižnarodnych placoŭkach. U pieramovach udzielničajuć kiraŭniki palityčnych departamientaŭ i namieśniki ministraŭ.
Na hetych sustrečach abmiarkoŭvajecca šyroki śpiektr pytańniaŭ, takija jak palityka i ekanomika, sankcyi i ich nastupstvy, a taksama pytańni biaśpieki.
Sakreta adznačaje, što ŭ chodzie dyskusij baki nie zaŭsiody zhodnyja, ale praciahvajuć abmieńvacca pazicyjami i vieści dyjałoh.
U jakaści prykładu kantaktaŭ jon zhadaŭ niadaŭniuju telefonnuju razmovu pamiž Alaksandram Łukašenkam i Emanuelem Makronam, jakaja adbyłasia pa inicyjatyvie francuzskaha boku i pavinna dać impuls dla dalejšych pieramoŭ.
«Razmaŭlać možna tolki movaj siły, a Francyja takoj siłaj vałodaje». Łatuška prakamientavaŭ zvanok Makrona Łukašenku
Biełaruskija špijony pad dypłamatyčnym prykryćciom u ZŠA i krainach Jeŭropy. Chto jany? Poŭny śpis
MZS vyklikała časovaha pavieranaha Litvy, zajaŭlaje pra parušeńnie miažy ŭkrainskim bieśpiłotnikam
Kamientary