Na biełaruska-litoŭskaj miažy vyjavili novy tunel. Ź jaho vyjšli 38 mihrantaŭ
U noč na 25 maja litoŭskija pamiežniki ŭ Šalčyninkajskim rajonie zatrymali 38 nielehalnych mihrantaŭ. Zamiežniki — 36 mužčyn i 2 žančyny — sprabavali trapić u Litvu z terytoryi Biełarusi praz padziemny tunel.
U načnoj apieracyi pa zatrymańni ŭ lasistaj miascovaści ŭdzielničali pamiežnyja patruli, kinołahi z sabakami, ekipaž viertalota i bieśpiłotniki.
Zatrymanyja nazvalisia hramadzianami Afhanistana (pašparty mieli 23 čałavieki) i Irana (dva čałavieki biez dakumientaŭ).
Litoŭskija pravaachoŭniki razvažyli, što zamiežnikam ničoha nie pahražaje, i pryniali rašeńnie viarnuć ich u Biełaruś.
Heta ŭžo treci padobny vypadak tolki za apošni čas. Litoŭski bok padkreślivaje, što takija tuneli kapajucca «nie bieź viedama biełaruskich słužbovych asob».
Kamientary