Kniharnia «Halijafy» (Staravilenskaja, 6). 19.00.
Redakcyja niezaležnaha litaraturnaha časopisa «Makułatura» zaprašaje ŭsich naviedać mierapryjemstva, a asabliva čakajuć usich tych, chto finansava padtrymaŭ vychad 9-ha numara «Makułatury» na kraŭdfandzinhavaj płatformie «Vulej» – fundataraŭ čakajuć padarunki.
Va ŭkrainskim, № 8, numary «Makułatury» — «Łuhanski dziońnik» Siarhieja Žadana, trahična-bajavyja fiłasofskija natatki Adama Hłobusa «Vajna», «List u pusteču» Tani Malarčuk, taksama tvory Alaksandra Irvanca, Saška Uškałava i Pistončyka, ese Jurasia Karetnikava i Kanstancina Kasiaka pra losy biełarusaŭ va Ukrainie, dziońnik Majdanu i padarožnyja natatki.
«Volnamastackaja» «Makułatura» № 9, na dumku ŭkładalnikaŭ, — samy ŭnikalny numar u historyi. «My ŭpieršyniu ŭ Biełarusi sabrali hrošy na druk časopisa, upieršyniu skarystalisia systemaj kraŭdfandynhu praz kampaniju «Ulej», — pišuć jany. — Volnamastackaja Makułatura — jaskravy prykład taho, jak teksty harmanična ilustrujucca ŭ haradzkoj prastory praz stryt-art, fota, kałaž, i jak važna, kab takija vialikija i surjoznyja napramki mastactva, jak proza i ilustracyja, pavinnyja nia tolki suisnavać, ale ruchacca i ŭzbahačacca za košt padtrymki i syntezu ŭ sučasnym hramadstvie».
Prezientacyja projdzie 15 studzienia ŭ novaj biełaruskaj kniharni «Halijafy» ŭ Trajeckim pradmieści (Staravilenskaja, 6). Pačatak 19.00. Uvachod volny.
X
Kamientary