Vystava «Zbroja i Honar. Tatary na słužbie VKŁ» prachodzić u filijale Nacyjanalnaha histaryčnaha muzieja Respubliki Biełaruś «Dom-muziej I źjezda RSDRP».
Na biełaruskaj ziamli tatary žyvuć ciaham šaści stahodździaŭ, jany roznymi šlachami pryjšli siudy sa stepaŭ Pavołža i Kryma. Tut ich radzima, hetuju ziamlu ichnija prodki razam ź biełarusami, ukraincami, palakami i litoŭcami baranili ad vorahaŭ. Naščadki ardyncaŭ nosiać imiony tatar-musulman, choć čatyrysta hadoŭ tamu pierajšli na polskuju i biełaruskuju movu. Siońnia ich adroźnivaje ad astatnich miascovych žycharoŭ relihija — isłam, zachavany tatarami, vyłučaŭ ich siarod inšych narodaŭ hetaj ziamli.
Na vystavie možna paznajomicca z pradmietami pobytu i adzieńniem biełaruskich tatar (žanočyja i mužčynskija kaściumy, ŭpryhažeńni), uzbrajeńniem tatarskaha vojska (kompleks ŭzbrajeńnia vajara Załatoj Ardy kon. XIV — pač. XV stst., šlemy, ščyty, kalčuha, pajasny nabor XIV st., šabla sa srebnaj vysiečkaj XIV st., šabli, kopji, charuhvy)
Vystava praciahniecca da 3 krasavika 2016 hoda.
Kamientary