CECH (vuł. Kastryčnickaja, 16). 18.30.
U miežach cykłu publičnych lekcyj «Ujaŭlajučy Biełaruś: idei i vobrazy dla supolnaj budučyni», arhanizavanych Latučym ŭniviersitetam i Centram jeŭrapiejskaj transfarmacyi, 19 krasavika fiłosaf Uładzimir Mackievič arazvažaje na temu «Budučynia Biełarusi: prahnozy, prajekty, mary i fantazii»
Jak možna dumać pra budučyniu i pracavać ź joj?
Jakija formy i padychody ŭ myśleńni pra budučyniu isnujuć u sučasnaj Biełarusi?
Što pavinna stać abjektam paznańnia i kłopatu ŭ sučasnaści, kab budučynia stała pierśpiektyŭnaj i pryvabnaj?
Što ŭ sučasnaj Biełarusi znachodzicca ŭ centry hramadskaj uvahi?
Hetym cykłam lekcyj i dyskusij arhanizatary praciahvajuć temu «myśleńnia pra budučyniu», jakuju pačali abmiarkoŭvać na kanfierencyi ŭ sakaviku 2016 hoda, a taksama ŭ sieryi publikacyj Biełaruskaha časopisa i sajta JeŭraBiełaruś.
Zychodziačy z analizu sučasnaha stanu biełaruskaha hramadstva, dzie pieravažajuć papulisckija i prahmatyčnyja tendencyi, abyvacielskaja śviadomaść i adsutnaść vyraznaha bačańnia budučyni i dalokich pierśpiektyŭ raźvićcia Biełarusi, my imkniemsia stvaryć prastoru «myśleńnia pra budučyniu», jakaja b zadavała sumiesnaje ŭjaŭleńnie siabie i svajoj budučyni. Bo mienavita praz heta farmujecca naša identyčnaść, zadajecca matyvacyja našych dziejańniaŭ jak hramadzianskaj supolnaści, vyznačajucca aryjenciry našaha samavyznačeńnia ŭ bližejšym časie.
Razam z pramoŭcami cykła my napaŭniajem prastoru novymi idejami, kanceptami, pierśpiektyŭnymi vobrazami budučyni, jakija prapanujuć nam sučasnaja fiłasofija, kultura, novyja technałohii, sacyjalnaść. Praz avałodańnie sučasnymi mietadałahičnymi i tearytyčnymi raspracoŭkami, praz refleksiju i analiz ułasna myśleńnia pra budučyniu, našych zdolnaściaŭ i miežaŭ vučymsia pracavać z hetaj prastoraj.
Uvachod na ŭsie lekcyi volny!
Za anonsami nastupnych lekcyj možna sačyć na sajcie Latučaha ŭniviersiteta.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary