Płatforma dla realizacyi sacyjalna značnych prajektaŭ Talaka.by i tavarystva ekałahičnych arhanizacyj «Zialonaja sietka» abjaŭlajuć nabor udzielnikaŭ na konkurs ekałahičnych prajektaŭ «Zialonka». Da ŭdziełu zaprašajucca aktyŭnyja ludzi z ekaidejami ci prosta vialikim žadańniem palepšyć ekałahičnuju situacyju ŭ Biełarusi (asabliva vitajucca ŭdzielniki z rehijonaŭ).
U ramkach konkursu ŭdzielniki zmohuć sabrać kamandu dla sumiesnaj pracy nad prajektam, daviedacca, nakolki ich ideja važnaja dla hramadstva, prajści navučańnie ad prafiesijnych ekśpiertaŭ. Na finalnaj stadyi konkursu 15 samych pierśpiektyŭnych i zapatrabavanych hramadstvam prajektaŭ atrymajuć finansavuju padtrymku ad arhanizataraŭ.
U vas jość cikavaja ekałahičnaja ideja? Kab stać udzielnikam konkursu «Zialonka», raźmieścicie jaje prosta ciapier u inkubatar idej na płatformie Talaka.by i zapoŭnicie zajaŭku na ŭdzieł. Adkryty pryjom idej praciahniecca da 29 krasavika ŭklučna. Dla prachodžańnia na nastupny etap vam nieabchodna budzie sabrać kamandu minimum z troch čałaviek i atrymać 25 adznak «heta važna».
Znajomicca z padrabiaznymi praviłami «Zialonki» i sačyć za ŭsimi navinami konkursu možna na Zialonym partale, sajcie Talaka.by, a taksama na sajcie Škoły ekałahičnaha aktyvista tavarystva «Zialonaja sietka».
Pa dadatkovuju infarmacyju źviartajciesia pa telefonach:
+375291210107 Nadzieja (tavarystva «Zialonaja sietka»)
+375291184579 Julija (płatforma «Talaka.by»).
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary