Na kancercie Karža ŭ Buchareście dla achovy areny zadziejničajuć dziesiać tysiač čałaviek
Adzinaj padziejaj u niadaŭniaj historyi, dla jakoj dziaržava prademanstravała bolš mahutny aparat biaśpieki, byŭ samit NATO 2008 hoda.
Siońnia, 23 traŭnia, na Nacyjanalnym stadyjonie Bucharesta adbudziecca kancert Maksa Karža. Padčas vystupu biełaruskaha artysta budzie zadziejničana dziesiać tysiač palicejskich, žandarmaŭ i supracoŭnikaŭ śpiecsłužb — u dziesiać razoŭ bolš, čym na kancercie Metallica, — piša Reform.news sa spasyłkaj na rumynskaje vydańnie b365.
Adzinaj padziejaj u niadaŭniaj historyi, dla jakoj dziaržava prademanstravała bolš mahutny aparat biaśpieki, byŭ samit NATO 2008 hoda.
Dla rumynskaha hledača śpiavak amal nieviadomy. Kala 3000 kvitkoŭ było nabyta z Rumynii, a 39 000 hledačoŭ pryjeduć ź inšych krain. Heta najbujniejšy patok zamiežnych turystaŭ na mierapryjemstva, kali-niebudź arhanizavanaje ŭ Rumynii.
«Chto taki Maks Korž, «nieviadomy» artyst, jaki zapaŭniaje nacyjanalnuju arenu?», — pytajecca aŭtar artykuła i daje adkaz.
«Maksu Karžu 37 hadoŭ, jon naradziŭsia ŭ maleńkim miastečku Łuniniec u Biełarusi i mižvoli staŭ simvałam uschodniejeŭrapiejskaha supracivu. U 2012 hodzie jon pačaŭ z $300, pazyčanych u maci, ź pieśni, apublikavanaj na VKontakte. Praź piać hadoŭ jon zapoŭniŭ Minsk-Arenu, — piša b365. — Padčas pratestaŭ suprać Łukašenki ŭ 2020 hodzie jaho muzyka — pra ŭcioki, bieznadziejnaść, ludziej, razdušanych žorstkimi sistemami, — stała saŭndtrekam paŭstańnia. Jon nie klikaŭ ludziej na vulicu. Jon uvasablaje ich strach u słovach. U 2022 hodzie, kali pačałasia vajna va Ukrainie, jon admianiŭ usie kancerty ŭ Rasii i Biełarusi».
Nahadajem, što 9 žniŭnia 2025 hoda Maks Korž vystupaŭ u Varšavie pierad 60 000 hledačami na Nacyjanalnym stadyjonie. Kancert skončyŭsia bujnym skandałam. Polskaja palicyja zatrymała bolš za 100 hledačoŭ, u tym liku za toje, što zaŭziatary pieraskokvali praz barjery i vychodzili na pole.
Nastupnyja kancerty muzyki projduć 6 červienia ŭ Stambule, 26 červienia ŭ Dziusieldorfie.
-
Upieršyniu na Lublinskim knižnym kirmašy budzie stend Asacyjacyi biełaruskich vydaŭcoŭ
-
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje
-
U Biełarusi stvaryli vialikuju ličbavuju biblijateku pra bortnictva
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka1
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Pakul Maks žyvy i nie vybačycca pierad Biełarusami za zdradu ŭ 2020 - budu pad kožnym pastom pra jaho prypaminać pra jahonuju zdradu ;)